Advertisement
 
 
 
 
 
 
 
 

Amakuru | Mu Ntara | Intara

Karongi: Abarimu n’abaganga babangamiwe no gufatanya akazi kabo no kurara irondo   

  Yanditswe na DUSINGIZUMUREMYI VESTINE
 4 months ago

 
 

Abarimu n’abaganga bakorera mu kagari ka Birambo umurenge wa Gashali mu karere ka Karongi, baravuga ko bahangayikishijwe no gufatanya akazi kabo ka buri munsi no kurara irondo, dore ko ngo hanashyizweho ibihano bikarishye ku wasibye irondo.

Abarimu bigisha mu mashuri abanza n’ayisumbuye mu bigo biri mu kagari ka Birambo n’abaganga bo ku kigo nderabuzima cya Birambo, baravuga ko kurara irondo bitaborohera kandi bazindukira mu mirimo itandukanye.

Bamwe mu barimu baganiye n’Imvaho Nshya, bavuze ko umurezi atari akwiye kurara irondo kandi aba ari buzinduke yigisha abana.

JPEG - 120.3 kb
Abarimu bagaragaje ko akazi kabo katabemerera kurara irondo (Foto interineti)

Umwe muri bo yagize ati “Ubusanzwe umwari akora amasaha icyenda ku munsi ashobora no kurenga kubera kurara ategura amasomo anashaka imfashanyigisho, hakiyongera no kurara irondo, bikatugiraho ingaruka z’uko umwarimu waraye irondo ashobora gusinzirira mu bana, akigishanya intege nke kubera umubiri wananiwe.”

Uyu mwarimu kimwe na bagenzi be bakomeza bavuga ko umukozi utaraye irondo acibwa amande y’amafaranga ibihumbi bitanu, yatinda kuyatanga agafungwa, kandi batanga ingero z’abo byabayeho.

Undi mwarimu nawe yagize ati “Turahohoterwa, kurara irondo batitaye ku cyo uri cyo n’ikibazo! ubu dufite abarezi bari hafi kujya mu kiruhuko cy’izabukuru nabo bategekwa kurara irondo, barisiba bagatanga amafaranga y’amande.”

Umunyamabanga nshingwabikorwa w’umurenge wa Gashali Karasanyi Nicolas, avuga ko abakozi ba Leta barara irondo kubera ubujura bukabije bwagaragaraga mu kagari ka Birambo.

Yagize ati “Twese n’abakozi b’umurenge irondo turarirara, muri Birambo hagaragaraga ubujura bukabije dufata ingamba ko buri wese yarara irondo n’abarimu barimo, nyuma twakoze inama twemeza ko bajya batanga amafaranga ibihumbi bibiri (2000) ubu nta kibazo.”

Kurara irondo ku bakozi ba Leta byatangiye mu mpera z’ukwezi kwa Karindwi 2016, umukozi wese wa Leta utaha cyangwa ukorera mu kagari ka Birambo kugeza ubu ngo arara irondo yasiba agacibwa amande, cyangwa agahabwa ibindi bihano birimo no gufungwa.

Abakozi bavuga babangamiwe no kurara irondo ni abakora muri ESA Birambo, ES.Urumuli, GS St Joseph Birambo, G.S St Rene n’amashuri abanza, hakiyongeraho n’abakozi bo ku kigo nderabuzima cya Birambo.

 

Comments

 
 
Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Burera:Dasso irishimira ko yatesheje abacuruzi bashakaga kurigisa miliyoni 14 z’imisoro
Burera:Dasso irishimira ko yatesheje abacuruzi bashakaga kurigisa miliyoni 14 z’imisoro

Abagize urwego Rushinzwe umutekano mu karere ka Burera, Dasso, barishimira ko bashoboye kugaruza miliyoni zirenga cumi n’enye z’amafaranga y’u Rwanda, yari agiye kurigiswa na bamwe mu bacuruzi. DCO (...)

Ngoma:Abasore 10 bakekwaho kunywa ibiyobyabwenge batawe muri yombi mu mukwabu
Ngoma:Abasore 10 bakekwaho kunywa ibiyobyabwenge batawe muri yombi mu mukwabu

Ku bufatanye n’inzego z’umutekano, abaturage n’ubuyobozi bw’akagari ka Cyasemakamba mu murenge wa Kibungo mu karere ka Ngoma hatawe muri yombi abasore 10 b’inzererezi, barimo abemera ko banywa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.