Advertisement
 
 
 
 
 
 
 
 

Amakuru | Mu Ntara | Intara

Karongi:49% by’ingengo y’imari y’Akarere ntirakoreshwa   

  Yanditswe na DUSINGIZUMUREMYI VESTINE
 April 2016

 
 

Depite Bazatoha Adolphe, Visi Perezida wa Komisiyo ishinzwe ingengo y’imari n’umutungo w’igihugu mu mutwe w’abadepite, yanenze imikoreshereze y’ingengo y’imari Akarere ka Karongi kahawe, kuko magingo aya imaze gukoreshwaho 51% kandi habura amezi atatu gusa umwaka w’ingengo y’imari ukarangira.

Uyu mudepite yagaragaje ko mu turere dutanu bamaze gusura basuzuma imikoreshereze y’ingengo y’imari, basanze Akarere ka Karongi kaza imbere mu kudakoresha amafaranga kasabye.

Yagize ati “Bije (Budget) y’akarere irimo gukoreshwa nabi, bari kuri 51% kandi bije isigaje amezi atatu, bakabaye bari kurri 70%. Mu turere nka dutanu maze kugeramo Karongi niyo ya mbere itarimo gukoresha amafaranga y’ingengo y’imari.

JPEG - 190.3 kb
Akarere ka Karongi kari ku isonga mu kudakoresha neza ingengo y’imari (Foto D.Vestine)

Icyizere baduhaye ni uko bafite imishinga ikorwa mu mihanda no mu mazi, ishobora kuzarangira mbere y’uko umwaka urangira biramutse bikunze, ariko ntawe ushobora kwizera ngo ikintu kizarangira kiri mu nzira kandi gifite ubukererwe”.

Depite Bazatoha yasabye ubuyobozi bw’Akarere ka Karongi gukurikirana kandi bakihutisha imishinga y’iterambere (amazi, amashanyarazi n’imihanda) imaze gushyirwa mu bikorwa ku kigero cya 18% gusa.

Munezero Eric, Umuyobozi w’ubutegetsi n’abakozi mu karere ka Karongi ari nawe musigire mu biro bya Meya, yemera ko bafite ikibazo gikomeye mu mikoreshereze y’ingengo y’imari, ahanini gishingiye ku mitangire y’amasoko y’ibikorwa biba biteganyijwe gukorwa.

Yagize ati “Mu mikoreshereze y’ingengo y’imari turacyafite ikibazo, twagize ikibazo mu itangwa ry’amasoko abapiganwa batujuje ibyangobwa, guhinduka kwa site z’ibikorwa, amasoko twagiye dutanga akabura n’umwe wayatsindira n’ibindi.

Gusa amasezerano yose yarasinywe hari icyizere ko ariya mafaranga tuzayakoresha mu gihe cy’amezi atatu asigaye, kuko ni amafaranga azishyurwa ba rwiyemezamirimo bakora imirimo cyangwa bafitanye n’akarere amasezerano.”

Mu mwaka w’ingengo y’imari wa 2015/2016, Akarere ka Karongi kahawe ingengo y’imari igera muri miliyari 14.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.