Advertisement
 
 
 
 
 
 
 
 

Amakuru | Mu Ntara | Intara

Ishyirahamwe ry’abakomisiyoneri b’ i Nyamasheke ryajemo rwaserera rigitangira   

  Yanditswe na BAHUWIYONGERA SYLVESTRE
 4 months ago

 
 

Bamwe mu bakora umurimo w’ubuhuza bazwi ku izina ry’abakomisiyoneri, mu isoko ry’inka rya Bumazi riri mu murenge wa Bushenge, mu karere ka Nyamasheke, bakomeje kugirana amakimbirane n’ubuyobozi bwabo bapfa amafaranga yaburiwe irengero.

Aba bakomisiyoneri bavuga ko hashize imyaka 3 bishyize hamwe ngo bakore ishyirahamwe rizabafasha kwiteza imbere, ariko ngo uburiganya bwagaragaye ishyirahamwe ntaho riragera.

Iri shyirahamwe ngo ryagombaga guhinduka koperative, abari abayobozi babo bakabaka buri wese amafaranga 5000, bamaze kuyatanga ishyirahamwe ntiryakorwa n’amafaranga yabo aburirwa irengero, bagasaba ko aya mafaranga yagaruzwa igitekerezo cyabo kigakomeza.

JPEG - 312.1 kb
Aba basore n’abagabo bakora akazi k’ubuhuza mu isoko rya Bumazi (Foto Bahuwiyongera S)

Uwo bashyira mu majwi ni uwari umuyobozi wabo Gatete Hanyurwimfura, ubu ushinzwe umutekano w’isoko muri koperative y’inkeragutabara zicunga umutekano w’isoko, n’uwari umucugamutungo wabo bita Vedaste batibuka irindi zina rye na we akaba ahari.

Bakavuga ko bateranyije amafaranga bagera kuri 50 ariko ubu bakaba barabuze ubwabishyuza cyangwa ngo iryo shyirahamwe rishingwe.

Bavuga ko batinya kubabaza iby’ayo mafaranga yabo ngo batava aho babirukana mu isoko bakabura intama n’ibyuma, ariko ko batabura kubabazwa n’igihombo batewe n’idindira ry’ibyo bari biyemeje kandi ababidindije bari aho ntibagire icyo babivugaho.

Tuyizere Ephrem yagize ati “Turakorera mu kajagari kandi twari twiyemeje gukora kinyamwuga kuko amafaranga yacu twayatanze abari bashinzwe kudushyira hamwe kandi twizeraga bakayarya, barimo Gatete Hanyurwimfura na komite ye.

Twari twarishinze tugamije ko rizahita rihindukamo koperative, tukajya muri SACCO, tugatangira no kugurizanya no gushyira hamwe amafaranga, ku buryo twateganyaga ko mu gihe gito twari kujya dukura umwe umwe mu bukomisiyoneri agahinduka umucuruzi w’inka bityo, bityo, tukikura mu bukene.”

Mugenzi we na we yagize ati “Imyaka 3 yose baratudindije rwose ariko twaracecetse ngo hatagira ubivuga akirukanwa mu isoko, gusa birababaje kuko twagombaga kuba hari aho tumaze kugera, twashakaga no kugira amakarita, ku buryo n’uwagurisha inka y’umuntu agacika yahita ashakishwa agafatwa.

Ariko ubu turacyakorera mu kajagari ku buryo n’uwagurisha inka y’umuntu agasimbuka uruzitiro batamenya aho arengeye.Nibazane ayo mafaranga twishyire hamwe dushake icyaduteza imbere kandi twayabahaye tubizeyeho ubunyangamugayo.”

Uwari Perezida w’ishyirahamwe Gatete Hanyurwimfura, yemera ko aya mafaranga koko yatanzwe kandi n’urutonde rw’abayatanze ruhari, akemera ko n’ibyagombaga gukorwa byadindiye, ariko agashimangira ko amafaranga batayariye.

Aya mafaranga ngo arahari, ahubwo bagiye kubakorera ishyirahamwe bitiriwe bijya kure, nk’uko babatse ayo mafaranga babibizeza.

Yagize ati “Amafaranga koko barayaduhaye hashize imyaka 3 kandi n’uwayabitse arahari, ntayo twariye, icyakora tugiye kubarenganura tuyabahe ishyirahamwe ryabo rikorwe kandi tuzabibafashamo, ni cyo gituma dushinzwe umutekano w’iri soko, ntabwo ari ukugira ngo turye iby’abandi.”

Aba bakomisiyoneri bemeza ko nubwo badindijwe n’aba bayobozi babo, ariko baramutse babonye amafaranga yabo bazayabyaza umusaruro ufatika, akazabafasha kwiteza imbere.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.