2017-11-23 07:39:34 clouds 27o High | Kigali Rwanda

Dukurikire:
 
 

Impunzi z’Abarundi ziri mu Rwanda zasuwe n’igikomangomakazi cya Jordania (Amafoto)

Yanditswe na IMVAHO NSHYA

Kuya 2016-10-25 11:00:00

 
Share on:
 
Yasuwe:13
 
Yavuzweho:200
 
10
 
10

Igikomangomakazi cya Jordania, Sarah Zeid, yasuye impunzi z’Abarundi zicumbikiwe mu nkambi ya Mahama mu karere ka Kirehe, kuri uyu wa 25 Ukwakira 2016.

Ubwo yahageraga ahagana saa tanu z’igitondo , Zeid yabanje gusura imiryango iba mu mahema, abanza uwa Iradukunda Dativa na Nzojibwami Jean Baptiste ufite abana barindwi, akurikizaho umuryango w’abana batatu b’imfubyi bibana mu ihema rimwe.

Imiryango yasuye yabwiye Imvaho Nshya ko ishimishijwe no gusurwa n’iki gikomangomakazi, kuko bizeye ko azabakorera ubuvugizi, bakongera kuba mu mahoro, bakava mu buhunzi.

Nyuma yaho Minisitiri ushinzwe Ibiza n’Impunzi, Seraphine Mukantabana n’abandi bayobozi, beretse igikomangomakazi Sarah inzu nshya ziri kubakirwa izi impunzi z’Abarundi muri iyo nkambi.

Madamu Zeid yashimye icyo gikorwa ati " Ni akazi gakomeye cyane muri gukora, bizatuma badahura n’ibibazo mu bihe by’imvura.’

Sarah Zeid w’imyaka 44 yakomeje uruzinduko asura abagore baboha uduseke, imitako na za sous plats, abagurira udu sous plats n’ibiseke avuga ko azabibukiraho.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE