Advertisement
 
 
 
 
 
 
 
 

Amakuru | Mu Ntara | Intara

Impunzi 33 000 zabaga mu mahema ashaje y’inkambi ya Mahama zigiye kubakirwa   

  Yanditswe na MANISHIMWE NOËL
 1 month ago

 
 

Imiryango 33,200 y’impunzi z’abarundi icumbikiwe mu nkampi ya Mahama, mu karere ka Kirehe, iravuga ko ihangayikishijwe nuko iba mu mahema yashaje, ikibaza uko bizayigendekera mu mu bihe by’imvura, bikayibera urujijo.

Inkambi ya Mahama icumbikiye impunzi z’abarundi zisaga ibihumbi 51.Zahunze nyuma y’imvururu zadutse mu gihugu cy’u Burundi nyuma y’uko bamwe batavuze rumwe ku cyemezo cyafashwe na Perezida w’icyo gihugu Pièrre Nkurunziza cyo kwiyamamariza kungera kuyobora igihugu.

Mu gihe cy’umwaka usaga bacumbikiwe i Mahama, babanje gucumbikirwa mu mahema.Nyuma, hatangiye kubakwa amazu yubakishije amatafari ya rukarakara, asakaje amabati, yanatangiye gutuzwamo imwe mu miryango.

JPEG - 132 kb
Imiryango isaga ibihumbi 33 iracyaba mu mahema yatangiye gusaza (Foto Manishimwe N)

Umuryango Mpuzamahanga wita ku mpunzi (UNHCR) ugaragaza ko mu gutoranya abatuzwa mu nzu haherwa ku miryango idafite ubushobozi kurusha iyindi, abafite ubumuga butandukanye, abafite uburwayi bwihariye n’ibindi, gusa gahunda ihari ni iyo gutuza imiryango yose.

Abamaze guhabwa amazu babwiye Imvaho Nshya ko bishimira ko batujwe aheza.Ku rundi ruhande abatarahabwa amazu basaga ibihumbi 33 bagaragaza ko bahangayikishijwe nuko ibihe by’imvura bigeze, kandi baba mu mahema nayo amaze gusaza.

Umwe utarahabwa inzu, Nzojibwami Jean Baptiste ufite umugore n’abana 7.Aba muri shitingi zatangiye gutobagurika, atekeye hanze, kandi abihuriyeho na benshi bataratuzwa neza.

Yagize ati “Ubuzima ni gutya, ubu ku zuba nta kibazo, ariko ejo bundi imvura nigwa, tuzisanga mu gishanga iriya epfo.Hano hagwa imvura mbi cyane, kandi urabona amahema arashaje, guteka ni hanze, mu bihe by’imvura ntituzi aho tuzajya”

Mu kiganiro n’Itangazamakuru Azam Saber uhagarariye Umuryango Mpuzamahanga wita ku mpunzi, UNHCR mu Rwanda; yagaragaje ko ikibazo cy’imiryango itarubakirwa amazu, kiri mu bihangayikishije, biri kwitabwaho.

Ati “Turabizirikana ko hakiri abasaga ibihumbi 33200, imiryango ikeneye kwimurwa ikava mu mahema, ikajya mu nzu zikomeye”

Saber avuga ko biteganyijwe ko mu mpera z’uyu mwaka wa 2016, inzu zose zizaba zamaze kubakwa, bitarenze ukwezi kwa Mutarama 2017, imiryango yose ikaba yamaze guzituzwamo.

Agira ati “Ibijyanye no kubakira iyi miryango twamaze kuvugana n’abazabikora ku buryo uyu mwaka wa 2016 utararangira, hazaba hamaze kubakwa izisaga 1000, izindi ibihumbi 2200 zizubakwa n’ibigo bikora ubw’ubwubatsi (enterprises) byigenga.

Byose bitaganyijwe ko bizaba byarangiye kubakwa, mu mpera z’uyu mwaka ku buryo mu ntangiro z’umwaka utaha wa 2017 inzu zose zizaba zaruzuye, bazituyemo; ntahazagire ugira ikibazo cy’imvura”

UNHCR kandi irizeza izi mpunzi z’abarundi zicumbikiwe mu nkambi ya Mahama ko mu kwezi kwa Mutarama umwaka utaha wa 2017, bazaba bavurirwa hafi mu bitaro bari kubakirwa aho mu nkambi, nabyo biteganyijwe ko bizuzura mu kwezi kw’Ukuboza 2016, bakaruhuka gukomeza gukorwa no kujya ku bitaro bya Kirehe.

Ubwo yasuraga impunzi z’abarundi ziri mu nkambi ya Mahama, kuwa 25 Ukwakira 2016, Sarah Zeid, Igikomangamakazi cyo mu gihugu cya Jordania, wari waje aherekeje umuyobozi mukuru wungirije wa UNHCR Volker Tũrk; yashimiye imbaraga zashyizwe mu kwita ku mpunzi zicumbikiwe mu Rwanda.

Yagaragaje ko by’umwihariko yasanze iz’Abarundi ziri i Mahama, mu karere ka Kirehe zitorohewe no kuba mu kizima, azisezeranya ko agiye kuzikorera ubuvugizi zigahambwa umuriro w’amashanyarazi, zikava mu icuraburindi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.