Advertisement
 
 
 
 
 
 
 
 

Amakuru | Mu Ntara | Intara

Imibiri myinshi y’Abatutsi biciwe mu cyari ISAR-Rubona ntiraboneka   

  Yanditswe na UMUTONI BEATHA
 May 2016

 
 

Abarokotse Jenoside bo mu miryango y’abari abakozi b’ikigo ISAR Rubona bishwe muri Jenoside yakorewe abatutsi, bavuga ko kugira ngo babashe kubona imibiri y’abatutsi bagera mu bihumbi baguye muri iki kigo ishyingurwe mu cyubahiro, bisaba ko amasambu yose y’iki kigo yahingwa.

Aba baturage bavuga ko mu gihe aya masambu yabaye imishike yaba adahinzwe, byagorana ko imibiri y’abatutsi bahiciwe yaboneka, dore ko ngo kuri ubu abamaze gushyingurwa mu cyubahiro bagera mu 120 gusa, kandi ngo abagera kuri 80 bose babonetse ubwo ubwo imwe muri iyi mirima yahingwaga.

Ubu butumwa bwatanzwe ubwo abari abakozi b’icyahoze ari ISAR n’abandi baturage biciwe mu iki kigo kiri i Rubona mu murenge wa Rusatira mu karere ka Huye, bibukwaga ku nshuro ya 22.

JPEG - 81.6 kb
Alphonse Marie Nsoro, umwe mu barokokeye Jenoside i Rubona (Foto Umutoni B)

ISAR Rubona ni nayo ibarizwamo umusozi witwa Rubona, aha ngo akaba ari hamwe mu habereye Jenoside ifite ubukana bukabije, aho ngo kugira ngo abatutsi bari bahahanguye bicwe, byasabye ko abicanyi babanza kwitabaza abasirikare bakaza bakabarasamo amasasu, kuko hari hahungiye abatusti benshi.

Alphonse Marie Nsoro, umwe mu baharokokeye, ashimira ikigo cya RAB ubu cyubatse urwibutso rwo gushyinguramo abatutsi biciwe muri iki kigo, yaba abari abakozi babo ndetse n’abandi batutsi bari bahahungiye bose bazize Jenoside.

Ku rundi ruhande ariko kimwe n’abandi barokotse Jenoside yahabereye, basabye ubuyobozi bwa RAB ko habaho igikorwa cyo gihinga ibisambu byose kugira ngo babe babona imibiri y’abatutsi bahiciwe yose, kugira ngo ishyingurwe mu cyubahiro.

Yagize ati:“Twarishimye ko hubatswe urwibutso runoze, rutuma dushyingura abacu mu cyubahiro, ariko kandi imibiri imaze kuboneka ni mike ugereranyije n’abatutsi biciwe hano.

Bityo rero tugasaba RAB ko amasambu yayo yahingwa kugira ngo turebe ko n’indi mibiri y’abatutsi bishwe yaboneka.”

Dr Louis Butare, umuyobozi wa RAB, kuri iki cyifuzo yatangaje ko koko kubera ubunini bw’ubutaka bw’iki kigo hari ibice bidahinze, kandi imibiri myinshi y’abazize Jenoside yabonetse aho baba bahinze.

Akaba rero yaratangaje ko bagiye gukora ibishoboka byose ngo n’ubwo batahinga, ariko bagakuraho ibihuru biri muri aya masambu adahinze kugira ngo bibafashe kubona uburyo bwo gushakisha iyi mibiri.

Yagize ati:“Tugiye gukora uko dushoboye kose, mu gihe cy’umwaka tureba ko hakuraho ibihuru byose biri mu masambu ya RAB, aho twakoreshaga imihoro gusa mu kubikuraho tugiye gukoresha na gahunda yo gukuresha n’amasuka kugira ngo turebe ko n’indi mibiri y’abatutsi biciwe muri iki kigo yaboneka igashyingurwa mu cyubahiro.”

Nk’uko bamwe mu barokotse Jenoside babitangaza, ngo muri iki kigo cyahoze ari ISAR Rubona hiciwe abatutsi barega ibihumbi ijana.

 

Comments

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.