Advertisement
 
 
 
 
 
 
 
 

Amakuru | Mu Ntara | Intara

Icyongereza cyatonze impunzi z’Abarundi ziga mu Rwanda   

  Yanditswe na MANISHIMWE NOËL
 June 2016

 
 

Abanyeshuri ibihumbi 16 b’impunzi z’abarundi zicumbikiwe mu nkambi ya Mahama, mu karere ka Kirehe biga mu mashuri abanza n’ayisumbuye, bavuga ko bagorwa cyane no kwiga mu rurimi ry’icyongereza bitewe nuko ngo bari baramenyereye kwiga mu ndimi z’igifaransa n’ikirundi.

Mu ntangiro z’uyu mwaka wa 2016 nibwo impunzi z’abarundi zicumbikiwe mu nkambi ya Mahama zashyikirijwe ibyumba by’amashuri abanza n’ayisumbuye, bagenerwa abarimu barimo abarundi n’abanyarwanda, n’ibikoresho nkenerwa ngo bige neza.

Icyari kigamijwe ni ukugira ngo uburenganzira bwabo bwo kwiga bwubahirizwe, icyo gihe yaba ababyeyi n’abana bagaragaje ko babyishimye cyane, gusa ubu abana bagaragaza ko bafite imbogamizi zuko amasomo atangwa mu rurimi rw’icyongereza mu gihe batari barigeze barwigamo, kuko iwabo wari baramenyereye kwiga mu gifaransa.

JPEG - 89 kb
Abanyeshuri b’abarundi bemeza ko kwiga mu cyongereza birimo kubatonda cyane (Foto Manishimwe N)

Hakizimana Ferdinand, umwe muri aba banyeshuri wiga mu mwaka wa 1 w’amashuri yisumbye, agaragaza ko kuba i Burundi bari baramenyereye kwiga mu gifaransa n’ikirundi ubu bakaba biga mu cyongereza bibagora cyane.

Yagize ati:“Iyo mwarimu arimo kuvuga uba wumva utari no mu ishuri, ntabwo uba ubyumva biba bigoranye cyane, hariho uza avuga icyongereza cyinshi cyane agacishamo akanyarwanda gake, hakaba n’uvuga icyongereza gusa ntahindure.Icyiza nuko bacanga bagashyiramo n’isomo ryo kudusobanurira, icyongereza kiratugora cyane.”

Umwe mu barimu wigisha aba bana ukomoka i Burundi na we yagaragaje ko iki kibazo gihari, avuga ko bigora cyane abana bavuye mu mashuri abanza batangiye ayisumbuye, gusa akavuga ko nubwo biba bigoye baba kwiye gukora uko bashoboye bakabimenyera

Yagize ati:“Iyo utangiye ahantu ukiri mushyashya biragorana, ariko imiryango mpuzamahanga n’abandi bafatanyabikorwa bakora uko bashoboye.

Mu Burundi abana bigaga mu gifaransa, bageze ino biga mu cyongereza, bariya bakuze bashobora kugerageza abiga guhera mu wa kane, no mu wa gatanu wa segonderi, ariko mu wa mbere ubona ko bafite ikibazo; gusa icyo kibazo bafite nticyatuma biheba.”

Dr. Saber Azam, Umuyobozi w’ishami ry’umuryango w’abibumbye ryita ku mpunzi mu Rwanda-UNHCR, avuga ko aba banyeshuri b’impunzi z’abarundi bagomba gukora uko bashoboye bakuhabiriza guhunda y’imyigire yo mu gihugu cy’u Rwanda cyibacumbikiye, akagaraza ko nubwo byabagora ariko ngo ari n’amahirwe yo kumenya urundi rurimi rwiyongera kuzo bari basanzwe bavuga.

Yagize ati:“Mu bihe by’ubuhunzi nk’ibi, ku bijyanye n’imyigire hubahirizwa gahunda y’imyigire y’igihugu gicumbikiye impunzi, gahunda y’imyigire mu Rwanda rero niyo igomba kubahirizwa kandi nta yandi mahitamo bafite.

Birakomeye ariko no kwiga urundi rurimi nayo ni andi mahirwe, icyo bakwiye gukora ni ugushyiramo imbaraga, bagakora cyane, bakiga cyane kuko natwe twiteguye kubafasha tubongerera ibibafasha byose mu burezi.”

Inkambi ya Mahama kugeza ubu icumbikiye impunzi z’abarundi zigera ku bihumbi 49.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.