Advertisement
 
 
 
 
 
 
 
 

Amakuru | Mu Ntara | Intara

I Nyamasheke hadutse abajura babagira amatungo mu biraro   

  Yanditswe na BAHUWIYONGERA SYLVESTRE
 August 2016

 
 

Bamwe mu baturage bo mu murenge wa Cyato,mu karere ka Nyamasheke, baravuga ko ikibazo cy’ubujura bw’inka n’ingurube kimaze gufata indi ntera, aho abajura baza zimwe bagasiga bazishe bagatwara ibice bimwe byazo izindi nyama bakazisiga.

Aba baturage basaba ubuyobozi bwabo gufatira ingamba iki kibazo kuko kimaze gutuma bamwe bahagarika ubworozi kubera gutinya kwibwa.

Batanga urugero kuri Nyandwi Ezéchiel wo mu kagari ka Bisumo muri uyu murenge, uherutse kubyuka agiye kuyiha ubwatsi, yajya kureba inka ye agasanga baraye bayishe bayibaze, batwaye ukuboko kwayo izindi nyama bazisiga aho mu kiraro.

Abaturage bavuga ko ibyo byabaye hashize indi minsi bibye indi nka muri uyu murenge, bakavuga n’ingurube zitari munsi y’enye zimaze kwibwa, harimo 2 z’umuyobozi w’ishuri ribanza, n’indi y’umukuru w’umudugudu.

Kubera ubu bujura abaturage bavuga ko bararana ubwoba bw’amatungo yabo, ndetse bamwe bakaba bashobora no kuyasubiza mu nzu bararamo kubera ubu bujura.

JPEG - 404.6 kb
Aboroye amatungo basabwe kuyabungabungira umutekano (Foto Bahuwiyongera S)

Uzayisenga Innocent utuye mu mudugudu wa Rugarama, akagari ka Bisumo, yagize ati:“Ubujura bw’inka n’ingurube burakabije rwose kuko tutagisinzira, turara duteze amatwi, wakumva nta kinyeganyega mu kiraro ukabyuka ugira ngo bayitwaye, hakaba n’ubwo usanga koko bayijyanye,ku buryo bamwe ingurube twatangiye kuzigurisha twanga ko baziba, korora tukaba dutekereza kubihagarika niba ubu bujura budafatiwe ingamba zihamye.”

Umunyamabanga nshingwabikorwa w’uyu murenge Twagirayezu Zacharie, avuga ko ubu bjura bubabaje cyane kandi inzego zose zimaze kubufatira ingamba zikaze, kuko bibabaje kugira ngo umuntu yorore inka cyangwa ingurube ye igihe igeze igihe cyo kumuha ifaranga rihagije asange bayitwaye cyangwa bayishe, inyama zimwe bazitwaye izindi bazitaye aho.

Yagize ati:“Nk’uriya mugizi wa nabi wishe inka y’umuturage agatwara ukuboko kwayo izindi nyama akazisiga aho yaratubabaje cyane kandi inzego z’umutekano ziracyakora iperereza, bikurikira indi yari imaze gutwarwa mbere n’izo ngurube zose, tukaba twarakoresheje inama z’umutekano, dutanga n’amatangazo ahantu hose asaba abaturage kurinda umutekano wabo n’ibyabo.

Tunasaba abaturage kujya bareka kororera kure y’aho batuye kuko hari ababikoraga kugira ngo begereze imirima ifumbire, ariko ibi byose twarabihagukiye.”

Ubu bujura bw’amatungo muri uyu murenge bukurikiye ubundi bumaze iminsi bubera mu karere ka Rusizi aho na ho abajura baherutse kwiba inka mu ma saa saba z’ijoro, abanyerondo bakayibatesha saa munani z’igicuku bamaze kuyibaga, inyama bakazita aho, abaturage bakaba basabwa kuba maso ku matungo yabo.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.