Advertisement
 
 
 
 
 
 
 
 

Amakuru | Mu Ntara | Intara

Huye:Iteme ryo mu Gahenerezo ryaracitse ubuhahirane burahagarara   

  Yanditswe na UMUTONI BEATHA
 5 months ago

 
 

Abaturage bo mu mirenge ya Huye na Mbazi ho mu karere ka Huye, kimwe n’abandi bakoresha iteme rya Munyazi rihuza iyo mirenge, batangaza ko batewe impungenge n’iryo teme rimaze igihe gisaga umwaka risenyutse rikaba ritarasanwa.

Basaba ubuyobozi bw’akarere ko bwabafasha iryo teme rikongera rikubakwa, kuko ngo ryabafashaga mu buhahirane hakoreshejwe ibinyabiziga.

Iri teme riherereye ahitwa mu Gahenerezo ku mugezi witwa Munyazi.Rihuza utugari twa Rukira mu murenge wa Huye na Kabuga mu murenge wa Mbazi.

Bamwe mu bakoresha iryo teme barimo abamotari, abashoferi batwara umucanga n’amatafari, batangaza ko hashize igihe gisaga umwaka iryo teme risenywe n’imvura, bikaba byarahagaritse ubuhahirane hagati y’imirenge itari mike, ihana imbibe n’uwa Mbazi ndetse na Huye.

JPEG - 420.6 kb
Itenguka ry’iri teme ryahagaritse ubuhahirane hagati y’abaturage (Foto Umutoni B)

Aba baturage basaba ubuyobozi bw’akarere ka Huye ko bwabafasha gushaka uburyo ryakubakwa kuko ngo rirenze ubushobozi bwabo.

Munyakazi Mariko, umwe mu baturage bo mu murenge wa mbazi yagize ati "Mu itumba ry’umwaka washize nibwo iri teme ryangiritse kubera amazi menshi yari mu mugezi wa Munyazi, twe iri teme nk’abaturage rirenze ubushobozi bwacu rwose twasaba ubuyobozi kugira icyo budufasha kuko ubu ubuhahirane bwacu bwarahagaze.

Nta kinyabiziga cyambuka ririya teme yewe n’abantu bahanyura n’amaguru baba bigengesereye kuko ryaratengutse pe.”

Ku ruhande rw’ubuyobozi bw’akarere ka Huye, Kayiranga Muzuka Eugene, avuga ko icyo kibazo bakizi, ubuyobozi bukaba burimo kurebera hamwe n’abashinzwe kubaka amateme inyigo z’amateme yakubakwa mu buryo burambye, gusa Muzuka akaba atagaragaza igihe ibyo byose bizamara.

Yagize ati“Turi kurebera hamwe n’abashinzwe kubaka amateme ngo badukorere inyigo y’uburyo ririya teme ryazubaka mu buryo burambye, abaturage rero nibihangane bumve ko tutabatereranye ntitwababwira ngo ejo cyangwa ejobundi ariko iki kibazo kirazwi kandi kiri kwigwaho.”

Nk’uko bitangazwa na bamwe mu baturage baturiye umugezi wa Munyazi, ngo mu bihe by’imvura nyinshi ukunze kuzura ugasenya amateme ndetse ukanangiza imyaka iba iri mu mirima yo mu gishanga kiwukikije.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.