Advertisement
 
 
 
 
 
 
 
 

Amakuru | Mu Ntara | Intara

Hibutswe abazize Jenoside bagera ku 40 000 baguye mu murenge wa Rukumberi   

  Yanditswe na DUSINGIZIMANA REMY
 April 2016

 
 

Umurenge wa Rukumbeli uri mu karere ka Ngoma wibutse abazize Jenoside yakorewe Abatutsi bagera ku bihumbi 40 barimo bamwe batigeze baboneka ngo bashyingurwe.

Tariki ya 17 Mata 2016 ni bwo uyu murenge wateguye igikorwa cyo kwibuka ubifashijwemo n’Umuryango w’abarokotse Jenoside muri uyu murenge (ARGR). Uwo muhango wabereye kuri rumwe mu nzibutso ebyiri ziri muri uyu murenge ahashyinguwe inzirakarengane ibihumbi 35000 mu kagari ka Rubona.

Abari bitabiriye uyu muhango batangiriye kwibuka ku kiyaga cya Mugesera cyaroshywemo benshi mu batutsi bari batuye muri Rukumbeli.

JPEG - 334.5 kb
Abari bitabiriye igikorwa cyo kwibuka mu murenge wa Rukumbeli

Umwe mu bakirokokeyemo, Mukankubito Alphonsine yatanze ubuhamya ku nzira ikomeye yanyuzemo ubwo abicanyi biciye umuryango we wose kuri icyo kiyaga barangiza nawe bakamutamo akaza kwambuka.

Yagize ati “Iki kiyaga dufitanye amateka kuko mama, barumuna banjye n’inshuti zanjye bose biciwe hano”. Nyuma y’ubu buhamya abari aho bahise bashyira indabo muri ayo mazi.

Umuyobozi w’Umurenge wa Rukumbeli, Ndayambaje Emmanuel, yashimiye abafanyabikorwa batandukanye babafashije gutegura icyo gikorwa aboneraho kwibutsa abari aho ko ibyahabaye ari agahomamunwa, kuko hari n’ababuraga aho bahungira bagahitamo kwiyahura mu Kiyaga cya Mugesera kubera iyica rubozo ryakorwaga.

Hashinguwe kandi imibiri 15 igizwe n’abana 14 n’umubyeyi umwe.

Uhagarariye Umuryango w’abarokotse Jenoside mu murenge wa Rukumberi, Kabandana Callixte yasabye intumwa za Rubanda zari aho ko zabakorera ubuvugizi urwibutso rwa Jenoside rwa Rukumbeli rukajya ku rwego rw’igihugu ndetse anasaba inzego z’umutekano gukomeza gucungira umutekano abarokotse Jenoside bakomeza guhohoterwa.

Uwari uhagarariye IBUKA muri uyu muhango, Nkuranga Eugene yihanganishije abana babuze ababyeyi babo bakiri bato aho yashimangiye ko ari ikibazo gikomeye uyu muryango ukomeje guhangana nacyo.

Umuyobozi w’Akarere ka Ngoma, Nambaje Aphrodis ndetse n’intumwa ya Guverineri w’Intara y’Iburasirazuba bagarutse ku guhumuriza abarokotse Jenoside bo muri uyu murenge wa Rukumbeli ko Leta yahagaritse Jenoside yiteguye guhangana n’uwari we wese uzongera guhirahira azana Jenoside n’ingengabitekerezo yayo.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.