Advertisement
 
 
 
 
 
 
 
 

Amakuru | Mu Ntara | Intara

Hari agace k’u Rwanda bita ‘Uganda’ kubera kanyanga nyinshi ihaba   

  Yanditswe na NGABOYABAHIZI PROTAIS
 July 2016

 
 

Abaturage bo mu mudugudu wa Kabaya, akagari ka Kigombe mu murenge wa Muhoza, barinubira za kanyanga n’izindi nzoga z’inkorano zisindisha zihagaragara, bigakurura ubujura n’urugomo muri ako gace ndetse no mu midugudu baturanye.

Kubera ubwinshi bw’inzoga za kanyagwa zigaragara muri uyu mudugudu ndetse n’abazihanywera bakabikora ntacyo bikanga, byatumye abaturage bahahimba izina rya ‘Uganda’.

Nzamugura Edouard, umuturage wo muri uyu mudugudu, avuga ko aka gace batuyemo basigaye bakita muri Uganda, kuko hagaragara za kanyanga nyinshi nk’izisanzwe zizwi mu gihugu cy’abaturanyi cya Uganda.

Yagize ati:“Impamvu aka gace twakise Uganda ni uko inzoga za Kanyanga n’ibindi biyobyabwenge bigaragara hano harimo imimanurajipo, umunini n’ibindi biyoga bivangavanze.

JPEG - 101.4 kb
Mu rwego rwo kurwanya ibiyobyabwenge, inzoga za kanyanga n’izindi nkorano zimenerwa mu ruhame

Insoresore zimara guhaga zigafata abagore ku ngufu, zikiba imyaka yacu ndetse no gupfumura amazu nyuma yo kumara kubinywa kuko baba babaye ibyihebe”.

Uyu muturage yongeraho ko ngo bababazwa no kubona hari bamwe mu bafatirwa mu biyobyabwenge bagezwa mu nzego z’umutekano zigahita zibarekura, bagera aho batuye ugasanga batoteza abatanze amakuru.

Ubuyobozi bw’Intara y’Amajyaruguru bwo burihanangiriza uwari wese ukoresha ibiyobyabwenge n’imyitwarire mibi nk’iyo, ikurura umutekano muke, kubireka, cyane ko ngo batazigera babihanganira.

Guverineri w’Intara y’Amajyaruguru Bosenibamwe Aime, ahamya ko nta na rimwe abahungabanya umutekano bazihanganirwa, bityo agasaba abakinywa ibiyobyabwenge kwisubiraho hakiri kare.

Yagize ati:“Abantu nk’abo bakekwaho guteza umutekano muke ntituzigera tubihanganira, nkaba rero nsaba abaturage kujya batunga agatoki uwari wese ukoresha akanatunda ibiyobyabwenge, kandi ndizera ko ubu mu bufatanye nabo ndetse na Polisi hari bamwe bamaze gufatatwa, ni igikorwa rero ubu twashyizemo umuhate”.

Uyu mudugudu wa Kabaya ni umwe mu ikunze kuvugwaho insoresore zitobora amazu nijoro, no kwiba imyaka y’abaturage mu mirima.

 

Comments

 
 
Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.