2017-08-22 09:34:31 clouds 27o High | Kigali Rwanda

Dukurikire:
 
 

Hakinwe imikino ya ¼ y’Umurenge Kagame Cup 2016

Yanditswe na IMVAHO NSHYA

Kuya 2016-03-28 11:17:36

 
Share on:
 
Yasuwe:37
 
Yavuzweho:200
 
10
 
10

Mu marushanwa yo guhatanira igikombe cy’Umurenge Kagame Cup 2016, umurenge wa Gashali watsinze umurenge wa Rubengera igitego 1-0 mu bagabo naho ku bagore Umurenge Rubengera utsinda Murambi kuri penaliti 3-0.

Iyo mikino yabaye ku wa Gatandatu, taliki ya 26 Werurwe 2016 mu kagali ka Birambo mu murenge wa Gashali.

Ushinzwe urubyiruko, Siporo n’umuco mu karere ka Karongi, Bihira Innocent avuga ko aya marushanwa yatangiye ari ayo gukomeza kwimakaza amahame y’imiyoborere myiza mu 2006, nyuma aza kwitirirwa Umukuru w’Igihugu, Paul Kagame kubera uruhare agira mu kwimakaza imiyoborere myiza no guteza imbere imikino.

Yanavuze ko imirenge 13 igize akarere yose yakinnye amarushanwa akaba ageze muri ¼ cy’irangiza. Ikipe izatsinda izahura n’izindi zatsinze mu yindi mirenge, kugeza habonetse umurenge uhagarariye ikipe y’akarere mu bagore no mu bagabo, izo kipe zikazakomeza ku rwego rw’intara kugeza ku rwego rw’igihugu.

Ikipe y’abagore y’Umurenge wa Murambi mu karere ka Karongi ni yo umwaka ushize wa 2015 yegukanye igikombe cy’Umurenge Kagame Cup 2015 ku rwego rw’igihugu naho mu bagabo ikipe y’Umurenge wa Muhoza wo mu karere ka Musanze nayo yegukana igikombe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE