Advertisement
 
 
 
 
 
 
 
 

Amakuru | Mu Ntara | Intara

Habonetse amahirwe ku rubyiruko rufite ubushake bwo gukora ubuhinzi   

  Yanditswe na IMVAHO NSHYA
 4 months ago

 
 

Ikigo cy’Igihugu Gishinzwe Ubuhinzi, RAB, Umuryango Uyisenga Ni Imanzi, n’Ikigo cy’igihugu gishinzwe kohereza mu mahanga ibikomoka ku buhinzi NAEB, biratangaza ko byiteguye gufasha urubyiruko rufite ubushake bwo gushora imari mu buhinzi rutabusuzuguye.

Mu nama nyunguranabitekerezo ku gutinyura urubyiruko ngo rugane ubuhinzi, Kayisinga Jean Claude, umuyobozi wungirije wa NAEB, yavuze ko urubyiruko rwinshi ruri kwiteza imbere rubikesheje ubuhinzi, nyamara hakaba hakiri benshi basinziriye.

Ati” Hari nk’urubyiruko ruri guhinga urusenda muri Rwabicuma mu karere ka Nyanza, ruri kubonamo inyungu, hari abitwa Oracle nabo bari guhinga kandi bari kubona amafaranga menshi, n’abandi nibihangire imirimo, amahirwe yo kubafasha ni menshi.”

JPEG - 152.9 kb
Icyamamare Caroline Flack ni umwe mu bashyigikiye ko urubyiruko rw’u Rwanda ruteza imbere ubuhinzi

Yasobanuye ko amapfa adakwiye kubaca intege kuko hari gahunda zihari harimo nka “Nkunganire” yo gufasha abahinzi kubona ibikoresho byo kuhira.

Kayisinga yongereyeho ko nk’urubyiruko rudafite igishoro cyangwa rudafite aho guhinga basabwa kwishyira hamwe, bakaba babona ubutaka ku buryo buboroheye kandi bagahabwa inguzanyo.

Ati ariko” Basabwa kugira ibitekerezo bizima birebana n’iterambere ufite igitekerezo kizima ntiwabura abagutera inkunga.”

Ibi bishimangirwa na Chaste Uwihoreye, umuyobozi w’Umuryango Uyisenga Ni Imanzi uvuga ko biteguye gufasha urubyiruko rufite mu mutwe hatyaye rwiyemeje gutezwa imbere n’ubuhinzi.

Yagize ati” Twasanze ubuhinzi ari ikintu cyunguka vuba kandi kidashorwamo byinshi. Tumaze imyaka ibiri dutera inkunga abahinzi b’imboga n’imbuto mu mushinga icyerezo ariko usanga bose bashobora kwinjiza miliyoni ebyiri mu gihe cy’amezi atatu. Twakoreye igerageza ku bantu1400 gusa, ni bake cyane, ubu nta bibazo bafite.”

Uwihoreye amara impungenge abatinya guhinga mu gihe cy’izuba kuko ukorana n’uyu muryango ashakirwa n’ibikoresho byo kuhiza imyaka.

Umuryango Uyisenga ni Imanzi ufasha urubyiruko kubona amahirwe yakungukirwa mu buhinzi, ukamufasha kubona ibikoresho n’imiti iterwa ibihingwa no kubona isoko agurishirizamo ibyo yasaruye.

Mu myaka cumi n’ibiri ishize umaze kuvana mu bukene impfubyi n’abatishoboye babarirwa mu 6000.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.