2017-08-21 15:16:56 clouds 27o High | Kigali Rwanda

Dukurikire:
 
 

Guverineri Mureshyankwano yiyemeje kurandura imirire mibi mu majyepfo

Yanditswe na IMVAHO NSHYA

Kuya 2016-10-28 14:38:55

 
Share on:
 
Yasuwe:8
 
Yavuzweho:200
 
10
 
10

Guverineri w’Intara y’Amajyepfo Mureshyankwano Marie Rose, avuga ko imirire mibi n’ingaruka zayo zikigaragara mu ntara y’Amajyepfo ari kimwe mu bibazo yiteguye guhangana nabyo.

Uyu muyobozi mushya muri iyi ntara, avuga ko tumwe mu turere tw’Intara y’Amajyepfo tukigaragaramo ikibazo cy’abana bagwingiye ndetse n’abafite ibindi bibazo bitandukanye bishingiye ku mirire mibi, ibi bikaba biri mu bibazo agomba guheraho akemura.

Yagize ati “Tugiye gufatanya n’abayobozi b’inzego zose n’abafatanyabikorwa muri rusange gushishikariza abaturage gutegura indyo yuzuye.

JPEG - 234.4 kb
Guverineri w’Intara y’Amajyepfo Mureshyankwano Marie Rose (Foto Umutoni B)

Ubundi ahanini kuba abantu batazi gutegura indyo yuzuye si uko ari ubukene n’ubwo wenda hamwe na hamwe byabaho ariko si kenshi, ahubwo biterwa no kdasobanukirwa no gutegura iyi ndyo yuzuye, tugiye rero gukomeza ubukangurambaga mu guhangana n’iki kibazo hamwe n’inzego zoze bireba ndetse tunakora ubugenzuzi bw’uburyo bikorwa."

Nyaruguru na Nyamagabe ni two turere twagaragaye ko tukiri inyuma cyane mu gutegura indyo yuzuye, ndetse tukaba tunakigaragaramo ikibazo cy’imirire mibi.

Abayobozi b’utu turere bavuga ko bamaze gufata ingamba zo guhashya iki kibazo mu rwego rwo kuzamura imirire no kurwanya igwingira mu turere bayoboye.

Umuyobozi w’akarere ka Nyamagabe Mugisha Philbert yagize ati "Ingamba za mbere ni uguhundura imyimvire, ubuyobozi dufatanyije n’abaturage kugira ngo tubashe guhashya iyi mirire mibi.

Ubu tugiye kongera ubushobozi bw’imiryango ikigaragaramo ya mirire itaboneye, ahagaragara ba bana naho tugakomeza kubakangurira gutegura imirire ndetse tunabafasha kubibona."

Akarere kaje ku mwanya wa mbere mu mirire mibi mu ntara y’Amajyepfo ni Nyamagabe kari ku kigereranyo cya 51,8%, gakurikirwa na Huye 42,6%.

Ni mu gihe akarere ka Nyanza kaje ku mwanya wa Mbere mu mirire myiza, gakurikwe na Kamonyi ku. Mu gihugu hose muri rusange abana bagaragaraho imirire mibi bakaba bari ku kigereranyo cya 38%.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE