Advertisement
 
 
 
 
 
 
 
 

Amakuru | Mu Ntara | Intara

Guverineri Mukandasira yiyemeje gukurikirana abihaye amafaranga ya VUP   

  Yanditswe na DUSINGIZUMUREMYI VESTINE
 June 2016

 
 

Guverineri w’Intara y’Uburengerazuba Mukandasira Caritas avuga ko ubuyobozi bw’intara ye bwatangiye kwishyuza no gukurikirana abantu bihaye amafaranga ya VUP ku buryo mu minsi mike nta faranga na rimwe riraba ritaragaruzwa.

Kimwe no hirya no hino mu gihugu mu ntara y’Uburengerazuba hagaragaye ikibazo cy’abakoze amatsinda ya baringa akagurizwa amafaranga ya VUP n’abayajyanye batayakwiriye.

Umuyobozi w’Akarere ka Rutsiro Ayinkamiye Emerence avuga ko muri karere ke honyine, hagaragaye Miliyoni zisaga 400 zari zaratanzwe muri ubwo buryo kugeza ubu hakaba bamwe binangiye banze kugarura ayo mafaranga.

Ati “Biragaragara ko hari abinangiye batari kwishyura ariko turakusanya ingufu tubumvishe ko bakwiye kwishyura, ubu tumaze kugaruza asaga miliyoni 210, naho asaga miliyoni 190 ntabwo aragaruzwa.”

JPEG - 114.9 kb
Guverineri Mukandasira Caritas avuga ko abakoresheje amafaranga ya VUP batabikwiye bazakurikiranwa(Foto Archives)

Guverineri w’intara y’Uburengerazuba Mukandasira Caritas avuga ko iki kibazo bari kugikurikirana.

Ati “Mu minsi yashize twandikiye abo bantu tubibutsa, tubabwira ko mu mezi atatu twari twihaye ko bagomba kuba bayagaruye, uko bigaragara ntabwo yose yari yagaruka kandi igihe twihaye ni ukurangizanya n’uku kwezi. Ntabwo ari ukuyagarura gusa ahubwo bagomba no gukurikiranwa aba bantu bihaye amafaranga batabifitiye uburengenzira”.

Yongeraho ko yizeye adashidikanya ko uku kwezi kuzajya gushira bageze ku kigero gishimishije mu kugaruza aya mafaranga.

Gahunda y’iterambere ya VUP na Girinka zagiye zibangamirwa bikomeye n’abayobozi bigabije amafaranga n’amatungo byagenewe abatishoboye. Iki kibazo cyagiye kigarukwaho kenshi n’umukuru w’igihugu Paul Kagame mu ngendo zo gusura abaturage, aho yavuze ko igihugu kitazihanganira uzagaragaraho ayo makosa wese.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.