Advertisement
 
 
 
 
 
 
 
 

Amakuru | Mu Ntara | Intara

Guv. Mukandasira yasobanuye iby’uruganda rw’amata rwari rumaze imyaka 5 rutaruzura   

  Yanditswe na IYAREMYE YVES
 4 months ago

 
 

Guverineri Mukandasira Caritas arahumuriza aborozi n’abacuruza amata ku kibazo bamaze imyaka myinshi bafite cyo kutagira aho bagurisha umukamo w’amata.

Ibi abitangaza nyuma y’igihe kirekire aborozi bamaze amaso yaraheze mu kirere bategereje uruganda rw’amata rwa Mukamira, rwatangiye kubakwa ku masezerano yasinywe ku wa 6 Gashyantare 2012, ariko n’ubu rukaba rutaruzura.

Ubuyobozi bw’Akarere ka Nyabihu buvuga ko uru ruganda rwagombaga kuzura mu mezi 10 ariko rujya gutangira kubakwa hajemo ibibazo bitandukanye byatumye habaho guhora basimburanya ba rwiyemezamirimo uwatangiye ntakomeze.

Aborozi n’abacuruza amata bakomeje gutakamba bavuga ko bagenda bahura n’ibihombo bitandukanye biterwa no kutagira isoko ry’umukamo aho bamwe babura n’uko bagurisha amata kubera igiciro kiri hasi bagahitamo kuyatangira ubuntu.

Manishimwe Bernard umwe mu borozi bororera mu nkengero za Gishwati aragira ati “Uruganda twategereje kuva mu myaka 4 ishize rwaraduhombeje kuko amata inka zacu ziduha akomeje gutuma dukena kandi ubworozi twarabwiyemeje, kuba ubuyobozi buvuga ko rugiye gutangira turwitezeho kutuzamura, rukaduhoza amarira twarize.”

Guverineri w’Intara y’Uburengerazuba Mukandasira Caritas yavuze ko mu minsi ya vuba imirimo y’Ikaragiro rya Mukamira izaba yatangiye kuko ibikenerwa by’ingenzi byose byamaze kuboneka, asaba aborozi kuba bihanganye igihe gito mu gihe ritaratangira ku mugaragaro.

Ati “Ntabwo navuga ngo uru ruganda ruzatangira uyu munsi ariko ibyari bikenewe byose byamaze gushyirwamo mu minsi ya vuba bitarambiranye ruraba rwatangiye kandi turwitezeho kuzamura aborozi b’inka bose baturiye intara umusaruro ukagera kuri bose, mu gihe rutaratangira babe bihanganye igihe gito.”

Minisiteri y’Ubuhinzi n’ubworozi ivuga ko umusaruro w’ibikomoka ku mata wariyongereye mu Rwanda, mu mwaka wa 1998, Umunyarwanda umwe yanywaga litiro esheshatu ku mwaka, ariko kuri ubu anywa litiro 59 ku mwaka.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.