2017-08-22 09:34:31 clouds 27o High | Kigali Rwanda

Dukurikire:
 
 

Gisagara:Umubare muto w’abaforomo n’ababyaza udindiza serivise batanga

Yanditswe na IMVAHO NSHYA

Kuya 2017-05-16 09:16:13

 
Share on:
 
Yasuwe:49
 
Yavuzweho:200
 
10
 
10

Abaforomo n’ababyaza barifuza ko umubare wabo wazamuka, kuko ngo kwakira abantu benshi barenze ubushobozi bwabo biri mu bindindiza serivise batanga.

Ibi babigarutseho ubwo bizihizaga umunsi mpuzamahanga wahariwe abaforomo n’ababyaza, wizihirijwe ku rwego rw’igihugu mu karere ka Gisagara.

Mu kwizihiza umunsi mpuzamahanga wahariwe abaforomo n’ababyaza, abaforomo n’ababyaza bishimiye ko ubu bafite urugaga babarizwamo, ndetse ko boroherejwe kwiga za kaminuza, iyi gahunda ikaba yarabafashije kongera ubumenyi.

Ku rundi ruhande ariko hari n’ibyo bagaragaza nk’imbogamizi nk’uko byagarutsweho n’umuyobozi w’urugaga rw’abaforomo n’ababyaza ku rwego rw’igihugu, Andrew Gitembagara.

JPEG - 241.9 kb
Andrew Gitembagara, umuyobozi w’urugaga rw’abaforomo n’ababyaza ku rwego rw’igihugu

Yagaragaje ko umubare wabo ukiri muke cyane ugereranyije n’abaturage baba bagomba kwakira, ikindi kandi bakaba bakorera ku masezerano y’akazi y’igihe gito, bigatuma bakora badahamye mu kazi.

Yagize ati “Turacyari bake mu mwuga wacu, hari aho usanga umuntu araye izamu ari umwe ku kigo nderabuzima, ari buvure, ari bubyaze ndetse akanatanga n’izindi serivisi ari wenyine. Ibi rero bituma serivisi abaforomo batanga rimwe na rimwe zitanoga neza, ikindi kandi no kuba abakozi benshi bakorera kuri kontaro y’igihe gito cyane cyane nk’abakorera mu bitaro by’uturere, ibi rero bituma baba badahamye mu kazi kandi twifuza ko aba bamaze kugira uburambe batakavaho.”

Umuyobozi wari uhagarariye Minisitiri w’ubuzima, Dr Sengedegeya Augustin, avuga ko akurikije aho uru rwego ruvuye n’aho rugeze, ngo izo mbogamizi ziri gushakirwa ibisubizo, kandi ko mu gihe kitarambiranye bizaboneka, bigendanye n’ubushobozi bw’iguhugu.

Yagize ati “Ngira ngo kuba umubare ukiri muke, ni ukureba aho tuvuye n’aho turi kujya. Ngira ngo umubare ugenda wiyongera ngira ngo n’ingamba kandi zirahari ku rwego rw’ubuzima kugira ngo aba bakozi bakomeze biyongere, naho abatarabona amasezerano y’igihe kirambye, nk’uko ubushobozi bugenda bwiyongera mu gihugu ni nako ibibazo bihari bagenda bishakirwa ibisubizo umunsi ku wundi.”

Urugaga rw’abaforomo n’ababyaza mu Rwanda rwibumbiwemo n’abagera ku bihumbi 127, abari hagati y’ibihumbi 8 n’ibihumbi 9 ni bo bafite akazi, naho 60% by’abafite akazi bose ni abahemberwa ku masezerano y’igihe gito.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE