Advertisement
 
 
 
 
 
 
 
 

Amakuru | Mu Ntara | Intara

Gisagara: Ntibazi impamvu bakatwa amafaranga 1000 buri kwezi   

  Yanditswe na UMUTONI BEATHA
 July 2016

 
 

Abaturage bo mu murenge wa Mukindo mu karere ka Gisagara bakora ibikorwa byo guca amaterasi n’imiringori barasaba ababayobora kubasobanurira byimbitse ibijyanye n’amafaranga 1000 babakata yitwa ayo gukora umuganda kandi baba bawukoze.

Mu murenge wa Mukindo mu karere ka Gisagara abaturage bahawe akazi mu mushinga wo kubungabunga icyogogo cy’uruzi rw’Akanyaru uterwa inkunga na FONERWA bishimira ibyo bamaze kugeraho, nko kuba batakibura amafaranga y’ubwisungane mu kwivuza, kwisanira amazu n’ibindi bikorwa by’iterambere.

Gusa ariko aba baturage batangaza ko iyo bagiye guhembwa basanga barakuweho amafaranga igihumbi ngo babwirwa ko ari ay’umuganda wa FONERWA, nyamara ngo uyu muganda baba banawukoze.

JPEG - 134 kb
Abo baturage bahawe akazi mu mushinga wo kubungabunga icyogogo cy’uruzi rw’Akanyaru

Umwe muri bo yagize ati “Ubundi dukora imibyizi 16, tugahemberwa 15, uwo umwe tuwukora batubwira ko ari umuganda wa FONERWA, kandi tugasanga banadukase igihumbi ngo n’icy’umuganda wa FONERWA nanone, mbese ntidusobanukirwe ibyo bintu byombi.

Dusaba abatuyobora rero kuba badusobanurira ayo mafaranga badukata akora iki, ngo natwe tukimenye kuko ntacyo baratwereka wenda ngo baze batubwira bati dore cya gihumbi tubakata cyubakiye utishoboye inzu, twe ntabwo twinubira uwo muganda ntituninubira gukatwa amafaranga, ahubwo turashaka gusobanukirwa.”

Ntibakure Athanasie, ushinzwe umushinga wo kubungabuga icyogogo cy’uruzi rwAkanyaru uterwa inkunga na FONERWA, avuga ko amafaranga bakata abaturage atari ay’umuganda, ko ahubwo bayakurwaho na banki bahemberwamo, akaba avuga ko bagiye gukomeza kubibasobanurira.

Yagize ati “Ubundi ikibazo ni uko tugenda dushyiramo abashyashya kuko umushinga ukomeza, ariko twe ku ruhande rwacu tuba twagiye tubasobanurira uburyo bw’imikorere kandi baba babyumvise.

Gusa ikibazo cy’aya mafaranga bakatwa twagisobanuye kenshi ariko hari bamwe baba batabyumva kuko imyumvire yabo iratandukanye, ntabwo rero igihumbi ari twe tukibakata ahubwo bagikatwa na banki bahemberwamo bitewe n’imikoranire yabo ndetse na serivisi baba babakoreye.”

Uyu mushinga umaze imyaka igera kuri 3, ukorera muri uyu murenge wa Mukindo. Abaturage bahabwamo akazi ko gucukura imiringoti no guca amaterasi y’indiganire, aho umuturage ahembwa amafaranga 1000 ku mubyizi.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Barashimira Jeannette Kagame wubakiye abana babo urugo mbonezamikurire
Nyamasheke:Barashimira Jeannette Kagame wubakiye abana babo urugo mbonezamikurire

Abaturage b’akagari ka Rugali, mu murenge wa Cyato, mu karere ka Nyamasheke, barashimira cyane Madamu Jeannette Kagame wubakiye abana babo urugo mbonezamikurire, ubu bakaba biga neza amashuri (...)

Rusizi:Bifuza ko Laboratwari  imaze imyaka 10 yubakwa yuzura vuba
Rusizi:Bifuza ko Laboratwari imaze imyaka 10 yubakwa yuzura vuba

Ababyeyi, abarezi n’abanyeshuri bo muri TTC Mururu mu karere ka Rusizi, barasaba ko muri uyu mwaka w’amashuri hakorwa ibishoboka byose Laboratwari yabo imaze imyaka 10 yubakwa igatangira kubyazwa (...)

Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.