Advertisement
 
 
 
 
 
 
 
 

Amakuru | Mu Ntara | Intara

Gisagara: Umurambo w’uwazize impanuka iherutse ku Kicukiro wataburuwe n’abajura   

  Yanditswe na Umutoni Beatha
 June 2016

 
 

Abantu bataramenyekana bataburuye umurambo wa Nshimiyimana Gilbert wari ushyinguye mu murenge wa Kigembe mu karere ka Gisagara bawuvana mu isanduku, bakeka ko hari imari idasanzwe bamushyinguranye.

Nshimiyima ni umwe mubazize impanuka y’ikamyo iheruka kubera ku Kicuriro mu mujyi wa Kigali tariki ya 10 Kamena. Ubwo rero yazanwaga gushyingurwa aho akomoka, mu ijoro ryo ku wa Gatandatu yashyinguwemo hari abaraye bamutaburuye bashaka kwiba isanduku yashyinguwemo.

Abaturage bavuga ko abo bantu bamennye beto bakiba amashuka n’imyenda umurambo wari ushyinguwemo mbere yo guteshwa bagahita biruka.

JPEG - 127.1 kb
Ahari hashyinguwe uyu musore hagararaga ibisigazwa bya beto nyuma yo gusenya imva ye bakiba ibyo bamushyinguranye

Umunyamabanga Nshingwabikorwa w’umurenge wa Kigembe, Bigirimana Augustin avuga ko nyakwigendera yongeye agashyingurwa mu cyubahiro kandi ko bafashe ingamba zirimo kugenzura amarimbi no gukora ubukangurambaga mu baturage mu rwego rwo kwirinda ibikorwa bibi.

Yagize ati: “Mu irimbi ryacu ubundi bashyingura bya Kinyarwanda, buriya rero bamwe mu baje gushyingura baba bazanywe na twinshi, babonye ashyinguwe mu buryo bo batari basazwe bamenyereye nko gushyiraho beto, bumva ko bhari ikidasanzwe bamushyinguranye.

Ariko ubu icyo tugiye gukora ni ugushyiraho gahunda y’uko ntawemerewe kujya mu irimbi atagiye gushyingura, ndetse hakanokorwa ubukangurambaga bwo kwirindira umutekano hose, ikindi abaturage bakumvishwa ko bagomba kubaha uwashyinguwe.”

Aba baturage bavuga ko mu mateka y’iwabo ibintu nk’ibyo bidasanzwe kandi ko ari urukozasoni gushinyagurira umurambo.

Twagirayezu Ladislas ni umusaza w’imyaka 75 y’amavuko, ni umwe mubagiye mu muhango wo gushyingura uyu musore nawe atuye muri aka kagari ka Agahabwa.

Yagize ati: “Dore uko ngana gutya nta bundi mu mateka ibi byabaye muri aka gace dutuyemo, ni amahano akabije twe nk’abaturage ntiturabasha kubyumva kugeza magingo aya kuko ibi ni agahoma munwa ni urukozasoni.”

Ibi abihurijeho na bagenzi be bahamya ko barafasha ubuyobozi mu gukora iperereza kuri abo bantu bashaka kubambika isura mbi.

Umunyamabanga nsingwabikorwa wa Kigembe avuga ko ababikoze bataramenyekana, iperereza rigikomeje

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.