Advertisement
 
 
 
 
 
 
 
 

Amakuru | Mu Ntara | Intara

Gisagara : Bane bashinjwa ingengabitekerezo ya Jenoside basabiwe igifungo   

  Yanditswe na Umutoni Beatha
 June 2016

 
 

Ubushinjacyaha bwasabiye abagabo bane bashinjwa ingengabitekerezo ya Jenoside n’ibindi byaha bifitanye isano nayo gufungwa hagati y’ imyaka irindwi n’ imyaka icyenda.

Ibyaha abo bagabo bo mu karere ka Gisagara mu mirenge ya Kigembe, Nyanza, Ndora na Muganza bashinjwa byose byakozwe mu matariki y’ukwezi kwa Mata 2016 mu gihe cyo kwibuka ku nshuro ya 22 Jenoside yakorewe Abatutsi mu Rwanda mu mwaka w’ 1994 .

Mu rubanza rwaburanishijwe n’urukiko rwisumbuye rwa Huye rwari ruteraniye ku biro by’ umurenge wa Kigembe ibyaha bakurikiranweho byabereyemo, hasobanuwe ko bashinjwa icyaha cy’ingengabitekerezo ya Jenoside n’ibindi byaha bifitanye isano nayo nk’ uko biteganywa mu ngingo ya 5 n’iya 6 y’itegeko nimero 84/2013 ryo ku wa 11Nzeli 2013 .

JPEG - 135.3 kb
Baburanishirijwe mu ruhame

Umushinjacyaha ku rwego rwisumbuye rwa Huye, Mukamirwa Oscar yabwiye urukiko ko babiri muri bo bakurikiranweho amagambo yo guhakana no gupfobya Jenoside yakorewe Abatutsi mu Rwanda mu mwaka w’ 1994 ubwo bahabwaga umwanya mu biganiro byo kwibuka ngo batange ibitekerezo.

Umwe ukomoka mu murenge wa Ndora akurikiranweho amagambo yaba yaravuze ubwo hashakishwaga imibiri y’ abazize Jenoside kugira ngo izashyingurwe mu cyubahiro, naho undi akurikiranyweho amagambo yaba yarabwiye mushiki we wo kwa se wabo umunsi umwe mbere y’itariki yo kwibuka.

Ubushinjacyaha ahanini bugaragaza ibimenyetso by’ibyaha aba bagabo bashinjwa buhereye ku batangabuhamya bumvise ayo magambo bukanahera kuri raporo zakozwe n’ubuyobozi bw’ inzego z’utugari icyaha cyabereyemo no ku nyandikomvugo z’abaregwa haba mu bugenzacyaha no mu bushinjacyaha.

Mu myiregurire y’aba bagabo bose hagaragaramo kutemera icyaha nyamara bakavuga ko nubwo bashinjwa ibyo byaha babisabira imbabazi.

Nyuma yo kumva ibyaha aba bantu baregwa ndetse n’icyo ubushinjacyaha buheraho bubibashinja, no kwisobanura kw’ abaregwa imbere y’ umucamanza Nduwayo Paulin waburanishije uru rubanza, ubushinjacyaha bwasabiye aba bagabo ibihano by’ igifungo kiri hagati y’ imyaka irindwi n’ imyaka icyenda nk’ uko biteganywa mu ngingo ya 116 y’ itegeko ngenga nimero 01/2012 ryo ku wa 02 05 2012.

Izi manza uko ari enye zose zizasomwa tariki 17 z’ uku kwezi i saa tanu zuzuye aho zabereye ku biro by’ umurenge wa Kigembe.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.