Advertisement
 
 
 
 
 
 
 
 

Amakuru | Mu Ntara | Intara

Gisagara: Bahawe amazi meza bayavoma ukwezi kumwe gusa ahita akama   

  Yanditswe na UMUTONI BEATHA
 5 months ago

 
 

Abaturage bo mu murenge wa Nyanza mu karere ka Gisagara, cyane cyane abatuye mu tugari twa Nyaruteja, Akabakene n’ahandi hari hagejejwe amazi meza, batangaza ko nyuma y’aho bagejejweho amazi meza mu kwezi kwa Gatandatu uyu mwaka, ngo bayavomye ukwezi kumwe gusa ntiyongera kugaruka.

Abaturage bavuga ko bari bishimiye kugezwaho amazi meza, nyuma yaho muri utwo duce hari hamaze kuzura amariba ya kijyambere bari bamaze kwizera ko yari agiye kubavana mu buzima bwo kuvoma amazi adasukuye y’ibishanga.

Gusa ngo kuvoma ayo mazi meza byabaye iby’igihe gito nk’uko aha bamwe mu bo twaganiriye babigarukaho.

Mukarukaka yagize ati“Twari twagize amahirwe tubona amazi meza ariko ntiyamaze kabiri kuko twayavomye mu kwezi kumwe gusa aba arabuze, kugeza na nubu kuva mu kwa karindwi ntabwo arongera kuza.”

PNG - 621.9 kb
Bari bishimiye kwegerezwa amazi meza ariko ntibayamaranye kabiri

Abo baturage bakomeza bavuga ko nyuma yo kubona ko ayo mazi atakiboneka basubiye kujya bavoma mu bishanga.Basaba ubuyobozi bw’akarere ka Gisagara gufatanya n’abandi bafite mu nshingano uwo muyoboro w’amazi hakaba harebwa uko icyo kibazo bafite cyakemuka.

Asobanura impamvu zo gukama k’uwo muyoboro w’amazi, Hanganimana Jean Paul, umuyobozi w’akarere ka Gisagara wungirije ushinzwe iterambere ry’ubukungu yadutangarije ko byatewe n’igabanuka ry’amazi mu gihe cy’izuba, niko gushyirwaho uburyo bwo kuyasaranganya n’abatuye mu akarere ka Nyaruguru.

Visi Meya Hanganimana avuga ko hari ingamba z’uburyo bugera kuri bubiri bari gushakiramo umuti kuboneka kw’amazi ahagije.

Yagize ati “Aya mazi twagize ikibazo kubera igihe cy’izuba aba make kandi uyu muyoboro aturukaho tuwusaranganya n’akarere ka Nyaruguru, aha rero twasabye ubufasha WASAC mu gusaranganya aya mazi kugira ngo bamwe bayabone n’abandi bayabone, gusa turanashaka ko ku bufatanye n’iki kigo cya WASAC uburyo iki kibazo cyakemuka burundu.”

Uyu muyoboro w’amazi ubusanzwe uturuka mu karere ka Nyaruguru.Ukoreshwa n’abatuye mu mirenge ya Nyagisozi na Ngoma mu karere ka Nyaruguru ndetse n’umurenge wa Nyanza mu karere ka Gisagara.

Biteganyijwe ko kandi uzakomereza mu mirenge ya Mukindo, Mugombwa na Muganza.

 

Comments

 
 
Seminari Nkuru ya Kabgayi  yiyemeje gusenga igahashya ingengabitekerezo ya Jenoside
Seminari Nkuru ya Kabgayi yiyemeje gusenga igahashya ingengabitekerezo ya Jenoside

Abiga n’abakora muri Seminari Nkuru ya Kabgayi (Grand Séminaire Philosophicum) bagaragaje ko amasengesho ari imwe mu ntwaro zibafasha mu guhangana n’ingengabitekerezo ya Jenoside. Bashingiye ku (...)

 Rubavu: Umugabo afungiwe gutwikira umukecuru warokotse Jenoside
Rubavu: Umugabo afungiwe gutwikira umukecuru warokotse Jenoside

Umugabo witwa Bosenibamwe Edward ari mu maboko ya Polisi y’igihugu mu murenge wa Nyamyumba, akarere ka Rubavu akekwaho gutwikira uwarokotse Jenoside yakorewe Abatutsi. Umuvugizi wa polisi mu (...)

 Akarere ka Rulindo kazifashisha miliyoni zisaga 150 mu kubakira abarokotse Jenoside
Akarere ka Rulindo kazifashisha miliyoni zisaga 150 mu kubakira abarokotse Jenoside

Ubuyobozi bw’akarere ka Rulindo buravuga ko bwatangiye umushinga wo kubaka inzu 18 zizahabwa abarokotse Jenoside batishoboye, uyu mushinga ukazatwara amafaranga asaga miliyoni 151. Ubuyobozi (...)

Muhanga:Abahamwe n’icyaha cya Jenoside bireze banasabira imbabazi ibyaha bari barahishe
Muhanga:Abahamwe n’icyaha cya Jenoside bireze banasabira imbabazi ibyaha bari barahishe

Mu biganiro byateguwe muri iki gihe cyo kwibuka ku nshuro ya 23 Jenoside yakorewe Abatutsi, byahuje inzego z’umutekano n’iza Gereza ya Muhanga, bamwe mu bagororwa bahafungiye beruye bavuga ko hari (...)

Ngoma:Depite Nyirahirwa yakebuye ababyeyi babiba ingengabitekerezo ya Jenoside mu bana
Ngoma:Depite Nyirahirwa yakebuye ababyeyi babiba ingengabitekerezo ya Jenoside mu bana

Depite Nyirahirwa Veneranda, avuga ko bibabaje kuba hari bamwe mu bana bavutse nyuma ya Jenoside yakorewe abatutsi, bagacengezwamo inyigisho z’ivangura n’abo mu miryango bakomokamo. Yabwiye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.