Advertisement
 
 
 
 
 
 
 
 

Amakuru | Mu Ntara | Intara

Gisagara:Abakecuru barembejwe n’inkoni z’abakobwa babo basaritswe n’inzoga   

  Yanditswe na UMUTONI BEATHA
 4 months ago

 
 

Abaturage bo mu mudugudu wa Kivugiza mu kagari ka Nyeranzi ho mu murenge wa Gishubi mu karere ka Gisagara, barasaba ubuyobozi kugira icyo bukora ku kibazo cy’umutekano muke uterwa n’abagore bakiri bato batuye muri uyu mudugudu banywa inzoga bamara gusinda bagataha bakubita abakecuru babana.

Bamwe mu babyeyi bakuze batuye muri uyu mudugudu bavuga ko babangamiwe cyane no kuba abagore bakiri bato bo muri uyu mudugudu usanga akenshi ari ababyariye iwabo, bateza umutekano muke kuko ngo bagenda bakanywa bagasinda ubundi bataha bagakubita abakecuru babana.

Umwe mu bakecuru batuye muri uyu mudugudu yagize ati“Abagore bakiri bato hano baratunaniye pe, baduteza umutekano muke mu mudugudu, baragenda bakanywa inzagwa n’ibigage bagasinda bataha bakarara badukubita kandi iyo urebye ubona barabigize akamenyero, kandi bamwe bagenda bigana abandi uko iminsi igenda iza.”

JPEG - 230.5 kb
Bamwe mu bakecuru batujwe muri uyu mudugudu wa Kivugiza bahohoterwa n’abakobwa babo (Foto Umutoni B)

Aba baturage bifuza ko hari icyo ubuyobozi bwakora aba babyeyi ngo bakaba babona umutekano useseye.

Ku ruhande rw’ubuyobozi, Kayinamura Jean Baptiste, umunyamabanga nshingwabikorwa w’umusigire w’umurenge wa Gishubi, avuga ko iki kibazo bakimenye ndetse bagifatiye n’ingamba.

Kayinamura yabwiye Imvaho Nshya ko kuri ubu basigaye bagenzura cyane amasaha yo gufunga ndetse no gufungura y’utubari turi muri aka gace, ndetse ngo no muri gahunda bateganya kuganiriza aba bagore kugira ngo basobanurirwe n’ububi bw’ubusinzi.

Yagize ati“Iki kibazo twarakimenye akenshi ugasanga aba bagore basinda baba batangiye kunywa inzoga hakiri kare, ubu rero twafashe ingamba z’amasaha yo gufungura y’utubari two muri aka gace, ndetse turi no guteganya kujya kuganiriza aba bagore kugira ngo tubasobanurire ububi bwo kuba basinda n’ingaruka mbi zibirimo.”

Uyu mudugudu wa Kivugiza utuyemo ahanini n’ingo ziyobowe n’abagore, aho usanga ingo zifite abagabo ari mbarwa.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.