Advertisement
 
 
 
 
 
 
 
 

Amakuru | Mu Ntara | Intara

Gisagara:Abahabwa ingoboka basabye gufashwa gucunga umutungo wabo   

  Yanditswe na UMUTONI BEATHA
 April 2016

 
 

Bamwe mu basaza n’abakecuru bahabwa inkunga y’ingoboka binyuze muri VUP mu murenge wa Kansi mu karere ka Gisagara bibumbiye muri ’Koperative Amizero Kansi’, baremeza ko bamaze kugera kuri byinshi, bikaba byaranatumye imibereho yabo igenda irushaho kuba myiza, ariko bagasaba ko ubuyobozi bwarushaho kubegera kugira ngo barusheho kugera ku iterambere rirambye.

Aba basaba n’abakecuru bahisemo kugenda bizigamira, aho buri munyamuryango hari umubare w’amafaranga akurwa ku nkunga ahabwa maze akinjira mu isanduku ya Koperative.

Kuri ubu bavuga ko ubwo bwizigame bwabagiriye akamaro kuko babashije kwiyubakira inzu y’ubucuruzi n’amacumbi, bikaba bibinjiriza amafaranga, aho ngo kuri ubu abanyamuryango bafite amatungo bagiye bakura muri ubu bwizigame, ndetse ngo banasaniye inzu umukecuru utishoboye.

JPEG - 69.1 kb
Inzu yubatswe na koperative y’abahabwa inkunga y’ingoboka bageze mu zabukuru (Foto Umutoni B)

Nubwo bavuga ko izo nzu zibinjiriza amafaranga, ngo bafite imbogamizi z’uko hari bamwe mu banyamuryango baguriza amafaranga ntibishyure, ndetse n’abandi bakorera muri izo nzu batinda kwishyura hakabaho n’abandi babambura burundu.

Umwe muri aba bahabwa inkunga y’ingoboka yagize ati:“Dukeneye ko ubuyobozi butwegera kurushaho, kuko hari bamwe bakodesha inzu bakatwambura bakagenda ntitumenye naho tubabariza, hari n’abanyamuryango batwambura twabagurije, bityo nk’ubuyobozi butwegereye bukamenya ko dufite ibyo bibazo bwadufasha bigakemuka, tukarushaho kwiteza imbere mu buryo burambye.”

Rutaburingoga Jerome, umuyobozi w’akarere ka Gisagara, avuga ko babakurikirana nk’uko bisanzwe, kandi bakaba biteguye kubafasha mu bibazo byose bashobora guhura nabyo, gusa akaba abasaba kujya baha inzu zabo umuntu ubanje kubishyura.

Yagize ati:“Bariya bageze mu zabukuru bahabwa inkunga y’ingoboka ya VUP tubageraho, ndetse turanabafasha iyo bagize ikibazo, kuba rero bavuga ko hari ababambura icyo kibazo ntabwo bakitugejejeho, kandi ikindi ku bijyanye n’inzu ya koperative yabo twabagiriye inama yo kujya bishyuza mbere ugiye kuyijyamo, mu rwego rwo kwirinda ko yazavamo abambuye.”

Izo nzu abo baturage batangiye bazikodesha amafaranga ibihumbi 200, ariko kubera kubura abakiriya ubu ngo bazikodesha amafaranga ibihumbi 50.

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.