2017-05-26 15:17:06 clouds 27o High | Kigali Rwanda

Dukurikire:
 
 

Gicumbi: Abataramenyekana bishe umusore bamujugunya ku muhanda

Yanditswe na IMVAHO NSHYA

Kuya 2016-07-05 13:29:19

 
Share on:
 
Yasuwe:10
 
Yavuzweho:200
 
10
 
10

Umurambo w’umusore uri mu kigero cy’imyaka 25 watoraguwe mu kagari ka Gacurabwenge, mu mujyi wa Gicumbi kuri uyu wa 5 Nyakanga 2016.

Abari basanzwe bazi nyakwigendera, Iyamuremye Samuel, bavuga ko yakoraga akazi ko kwikorera imizigo.

Uwo murambo wabonwe na Twizeyimana, ukora uburinzi ku nzu irimo kubakwa mu mujyi wa Gicumbi y’uwitwa Leonidas Muvuzankwano,nawe ahita atanga amakuru ku rwego Dasso.

Twizeyimana avuga ko yasanze aryamye ku nzira iruhande rwe harambitse igiti ashobora kuba yanagikubiswe.

Ati”Nabonye umurambo mu gitondo iruhande hari igiti cyirambitse n’imyenda iruhande ngira ubwoba n’itabaza Dasso.”

JPEG - 68.7 kb
Umujyi wa Gicumbi ntiwari uherutsemo ubwicanyi

Abaturage baganiriye n’Imvaho Nshya bavuga ko Iyamuremye Samuel, yari inyangamugayo bakemeza ko atishwe azize guhemuka, kuko nta wari wakamufatiye mu buhemu cyangwa ngo abumuvugeho.

Umuvugizi wa polisi mu Ntara y’Amajyaruguru, IP Innocent Gasasira, avuga ko bamenye ko umuntu yishwe bakaba bagiye gutangira iperereza n’ikorwa ry’ibizamini ngo bamenye icyamuhitanye.

Ati”Nibyo umuntu yapfuye ariko turi mu iperereza ikirenzeho turaza kubamenyesha.”

Ubwicanyi bwo guhotora abantu mu mujyi wa Gicumbi bwaherukaga umwaka ushize aho abagera kuri batatu nabo bishwe muri ubwo buryo.

Muri aka karere kandi uwarokotse jenoside yakorewe Abatutsi aherutse kwicwa aciwe umutwe.

Kugeza ubu hatawe muri yombi umuntu umwe ucyekwaho kwica uwo musore.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE