Advertisement
 
 
 
 
 
 
 
 

Amakuru | Mu Ntara | Intara

Gicumbi:Gahunda ya Girinka iravugwamo ruswa   

  Yanditswe na HABINEZA REGIS
 June 2016

 
 

Bamwe mu baturage bo mu karere ka Gicumbi bavuga ko batewe impungenge na ruswa yahawe intebe muri gahunda ya Girinka, aho ngo umuturage udashoboye gutanga amafaranga bita ay’ikiziriko atoroherwa no gushyirwa ku rutonde rw’aborozwa kandi ari we wujuje ibisabwa.

Bamwe mu batuye mu murenge wa Munyagiro aho Imvaho Nshya yageze, bagaragaje ko bimaze kuba nk’ihame ko kugira ngo umuturage ashyirwe ku rutonde rw’abahabwa inka ya Girinka agomba ‘gupfumbatisha’umuyobozi amafaranga atari munsi y’ibihumbi 20.

Abaturage bo mu kagari ka Remera muri uyu murenge, bagaragaje ko bababazwa cyane no kubona umuturage ukennye mu buryo bugaragarira buri wese yimwa inka ngo ni uko atabashije kubona amafaranga aha umuyobozi, igahabwa umukungu ufite ubushobozi bwo gutanga ‘ikiziriko’.

JPEG - 101.7 kb
Muri Gicumbi ngo udafite amafaranga y’ikizirika ntiyoroherwa no kubona inka ya Girinka

Mukandayisenga Filomene, avuga ko yahawe inka nyuma aza kuyakwa kubera ko yanze gutanga ruswa y’ibihumbi icumi, yakwaga n’umuyobozi w’akagari.

Yagize ati:“Njyewe umuyobozi w’akagari ari kumwe n’uw’umudugudu bansabye ibihumbi 10, ndayabima hashize iminsi inka baraza barayitwara.Ubu nsigariye aho bayijyanye ahandi rwose n’abaturage barabizi.”

Ikibazo cy’uyu mubyeyi kandi cyashimangiwe n’abandi baturage batandukanye bo muri aka kagari, bemeza ko yarenganyijwe mu buryo bugaragara, ariko ngo ikibababaje kurushaho ni uko babona iyi ngeso yo kwaka ruswa ihinduka umuco.

Harerimana Jean Baptiste, yagize ati:“Ibyo twarabimenyereye rwose ko dutanga ibihumbi 20, ubanza ahari ari ikiguzi kandi n’iyo waba ujya kuziturirwa barayakwaka.”

Umuyobozi w’akarere ka Gicumbi wungirije ushinzwe imibereho myiza y’abaturage Benihirwe Charlotte, yamaganiye kuri uyu muco mubi wo kwaka abaturage amafaranga ngo bakunde bahabwe inka kandi ubusanzwe zaragenewe guteza imbere abatishoboye.

Yagize ati:“Habanje ikusanya ry’amakuru yose ku bibazo bya Girinka, aho na ruswa byagaragaye ko irimo, icyo tugiye gukora harimo kwihutisha kubikemura, ariko ntibizasiga ubusa kuko n’abagize uruhare mu kubiteza bazabizira.”

Gukusanya amakuru ku bibazo bigaragara muri gahunda Girinka uyu muyobozi avuga byatangiye nyuma y’aho Umukuru w’igihugu Paul Kagame, atunze agatoki bamwe mu bayobozi bigabiza ibyagenewe guteza imbere abatishoboye, na gahunda ya Girinka irimo.

Nyuma y’uko hakozwe ikusanyamakuru mu karere ka Gicumbi, byitezwe ko Girinka izahabwa umurongo uhamye utagira uburiganya nk’uko byari bimaze igihe bigenda.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.