Advertisement
 
 
 
 
 
 
 
 

Amakuru | Mu Ntara | Intara

Gicumbi: Bamaze imyaka 3 bishyuza ingurane z’ibyabo   

  Yanditswe na HABINEZA REGIS
 May 2016

 
 

Abaturage bo mu murenge wa Rukomo mu karere ka Gicumbi, baravuga ko bamaze imyaka isaga itatu bategereje ko bahabwa inguranye z’imitungo yabo yangijwe hatunganywa umuyoboro w’amashyanyarazi wa Rukomo-Rwesero, magingo aya bakaba batarabona igisubizo kibanyuze.

Hakizimana Jean Marie Vianney, umwe muri aba baturage yagize ati “Njyewe nari mfite ibiti bya marakuja nateye, wari umushinga nateguye ariko ubwo urumva wahise uhagarara, kugeza n’ubu ntacyo bigeze batubwira bamaze kubara ibyangijwe birangirira aho.”

Seleman Muhozi, we avuga ko bari bakwiye kwishyurwa vuba, kuko ibyabo byangijwe byari bibafitiye akamaro, ndetse bamwe akaba ari byo byari bibatunze.

Yagize ati “Baraje batema intoki, nari mfite ibiti by’amaronji baratema n’amasaka yanjye abigenderamo, icyo gihe nta konti nari mfite njya kuyifunguza ariko kugeza ubu nta kirakorwa.”

Ubuyobozi bw’akarere ka Gicumbi buvuga ko amakuru buheruka ari uko ikigo REG cyakagombye kuba cyararangije kwishyura, none ngo bakaba bagiye kubibutsa kugira ngo abaturage bahabwe ingurane ikwiye ibyabo byangijwe.

JPEG - 161.9 kb
Muhizi Jules Aimable, umuyobozi wungirije ushinzwe ubukungu mu karere ka Gicumbi (Foto Habineza R)

Muhizi Jules Aimable, umuyobozi wungirije ushinzwe iterambere ry’ubukungu mu karere ka Gicumbi, yagize ati:“ni byo batugejejeho ikibazo dufatanije n’ubuyobozi bwa REG inaha tujyayo batwizeza ko bigiye gukemuka bakishyurwa, icyo navuga byaratinze koko ariko tugiye kubikurikira kuko bari batubwiye iby’umweru bibiri.”

Uyu muyobozi yakomeje atanga icyizere ko mu gihe kubikemura byaba byanze babigeza ku nzego zishinzwe ibya REG, i Kigali.

Yagize ati:“Uburyo babitubwiyemo byumvikanaga ko bitarenza igihe baduhaye, gusa nitumubaza akatubwira ko batabikemuye umuntu yabaza i Kigali, ubu ngiye gukurikirana.”

Ikibazo cy’ingurane z’ahanyujijwe ibikorwa rusange ni kimwe mu bikunze kumvikana hirya no hino, abaturage bataka gutinda kwishyurwa ibyabo biba byangijwe.

 

Comments

 
 
Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.