Advertisement
 
 
 
 
 
 
 
 

Amakuru | Mu Ntara | Intara

Gatsibo: Mu kwezi kumwe inka 4 zatemwe n’abantu bataramenyekana   

  Yanditswe na HABINEZA REGIS
 11 May

 
 

Abaturage n’ubuyobozi bw’akarere ka Gatsibo bemeza ko bababajwe cyane n’abantu batifuza iterambere ry’abatishoboye, babatemera inka bahawe ngo zibafashe kwigobotora ubukene.

Imibare yashyizwe ahagaragara n’ubuyobozi bw’akarere ka Gatsibo igaragaraza mu mu bice bitandukanye by’aka karere, inka zibarirwa muri 4 zatemwe mu kwezi kwa Mata.

Uwimbabazi Astherie, Umurenge wa Muhura, umwe mu yabayemo ibyo bikorwa by’ubugizi bwa nabi, yemeza ko byabaye kandi ko batangiye gushakisha ababikoze ngo bakanirwe urubakwiye.

Yagize ati:“Ni byo koko byarabaye mu murenge wacu abagizi ba nabi batemye inka 2 mu mudugudu umwe, ariko nk’ubuyobozi twatangiye gukurikira, ubu hafashwe abantu batatu umwe aza gucika kandi ariwe ruharwa wavugwaga.Abandi nabo babaye barekuwe kuko nta cyaha cyibafata, mbese nta bimenyetso.”

JPEG - 164.8 kb
Bababazwa n’abatema inka z’abatishoboye (Foto: Internet)

Umuyobozi w’aka karere Gasana Richard, avuga ko n’ubwo abakoze ubu bugizi bwa nabi batafashe, aho bazagaragarira hose bazahanwa mu buryo bw’intangarugero.

Yagize ati:“Abaturage baritanga ngo bazamure ubukungu bw’akarere, abandi bo bakarwana no gutema inka, urumva nta kubihanganira, ahubwo tugize amahirwe tukabafata bahanwa by’intangarugero.”

Uyu muyobozi yakomeje yamagana ibi bikorwa bibi, asaba abaturage kuba maso bahangana n’abo bagizi ba nabi batifuriza imibereho myiza abanyagatsibo.

Yagize ati:“Icyo nasaba ni uko buri wese yamenya agaciro inka ifitiye umuturage, burya kandi umuntu utema inka ntabwo aba ariyo ashaka gusa bivuze ko rero buri wese akwiye kurwanya bene abo bantu.”

Gutemwa kw’izi nka mu karere ka Gatsibo byabaye mu bihe bitandukanye mu kwezi kwa Mata uyu mwaka.

Ebyiri mu nka zatemwe ni izo mu murenge wa Muhura, naho izindi ni izo mu mirenge ya Rugarama na Kabarore.

 

Comments

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.