Advertisement
 
 
 
 
 
 
 
 

Amakuru | Mu Ntara | Intara

Gatsibo:Ingurube 70 z’itsinda ‘Twitezimbere’ zashize uruhongohongo   

  Yanditswe na HITIMANA DIEUDONNE
 July 2016

 
 

Bamwe mu banyamuryango b’itsinda ‘Twitezimbere’ rikorera imirimo y’ubworozi bw’ingurube mu kagari ka Karenge mu murenge wa Kabarore mu karere ka Gatsibo, barashinja ubuyobozi bw’itsinda kunyereza ingurube 70 bagashaka no kusibanganya ibimenyetso.

Aba banyamuryango bavuga ko iri tsinda ritangira, bari bagamije gushyira hamwe maze bagahuza imbaraga mu rwego rwo gufashanya kwiteza imbere, bimwe mu bikorwa bahisemo guheraho harimo n’ubworozi bw’ingurube ndetse bemeza ko izi ngurube zari zigeze ku rwego rwiza rwo gutanga umusaruro nkuko bari babyiteze, ariko ngo bababajwe n’uburiganya bwavutsemo.

Uko iminsi yagiye ishira, ngo niko ubuyobozi bw’iri tsinda bwagiye bukoresha ibyo bita uburiganya, aho ngo umubare w’ingurube wagiye ugabanuka aho kugira ngo wiyongere, ibi ngo bikaba byarakorwaga ariko aba banyamuryango ntibahabwe ubisobanuro byimbitse bw’aho izo ngurube zijyanwa.

JPEG - 227.3 kb
Abanyamuryango barasaba ubuyobozi bw’itsinda kubabwira irengero ry’ingurube 70 (Foto Hitimana D)

Gutunga agatoki ubuyobozi buyobora iri tsinda bise aba banyamuryango babishingira kukuba mu ngurube batangiranye zisaga mirongo irindwi, kuri ubu ngo zaragiye zirigiswa kugeza aho magingo aya muri iri tsinda hasigaye ingurube eshanu gusa izindi bakaba batazi irengero ryazo.

Ubwo Imvaho Nshya yabasuraga, batangarije ko mu byifuzo byabo ari uko ubuyobozi bw’iri tsinda bwabamurikira umutungo basigaranye, bityo abanyamuryango bakawugabana cyane ko ngo n’ubundi kuri bo babona ko icyerekezo bari bafite inyungu babona yitwarirwa n’abayobozi gusa.

Aganira n’Imvaho Nshya Muteteri Goderiva, umwe mu banyamuryango biri tsinda yagize ati:“Icyo twifuza ni ukugira ngo dupasure tugurishe abanyamuryango tugabane iriya mitungo yose, naho biriya byo kutubwira ngo baradusubiza umugabane wacu natwe twarahiye turi abanyamuryango nk’abandi natwe dukwiye kubona iriya mitungo yose ihari.”

Banagaruka kandi ku buryo iki kibazo cyatumye abanyamuryango benshi bacika intego zo gukomeza kwitabira ibikorwa by’itsinda, aho bamwe bahisemo no kurivamo bakemera guhomba imbaraga zabo batakaje.

Ku ruhande rw’ubuyobozi bw’umurenge wa Kabarore bwo buvuga ko iki kibazo cy’iri tsinda bugiye kugiha igihe gito kikaba cyakemutse babifashijwemo n’ubuyobozi.

Murara Kazora Fred, umunyamabanga nshingwabikorwa w’uyu murenge, yagize ati:“Tugiye kwita ku kibazo cy’iri tsinda, niba ikibazo kiri ku buyobozi bashyireho ubundi, ariko njyewe inama najya ni uko umuntu akwiye kumva ko igihe ari wenyine aba afite imbaraga nke ugereranyije n’abashyize hamwe.

Nkaba njya inama yuko abantu bakwiye kwishyira hamwe bakiteza imbere bashyize hamwe.”

Iri tsinda ry’i Karenge ngo ryatangiranye abanyamuryango 75, ariko ngo kuva aho ibibazo byo kutamenya aho imitungo y’itsinda irengera bitangiriye, kuri ubu hakaba hasigayemo abanyamuryango 11 gusa.

Imvaho Nshya yagerageze kuvugana n’ubuyobozi bw’iri tsinda ntibyakunda, tukazakomeza gukurikirana iyi nkuru.

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.