Advertisement
 
 
 
 
 
 
 
 

Amakuru | Mu Ntara | Intara

Gatsibo: Imvura yasambuye inzu   

  Yanditswe na IMVAHO NSHYA
 July 2016

 
 

Imvura idasanzwe yaguye mu karere ka Gatsibo yasambuye inzu y’umuturage mu murenge wa Kiziguro mu ijoro ryo ku Cyumweru ku ya 24 Nyakanga 2016.

Akarere ka Gatsibo ni kamwe mu turere tw’intara y’Uburasirazuba twibasiwe n’amapfa kubera izuba rimaze igihe kinini cyane, ndetse bivugwa ko bamwe mu baturage bako batangiye gusuhukira mu bihugu bituranye n’u Rwanda.

Umuyobozi wako Gasana Richard yabwiye Imvaho Nshya ko mu ijoro ryo ku Cyumweru batunguwe cyane no kubona imvura nyinshi iguye.

Ati” Imvura yaguye cyane mu mirenge ya Kabarore na Gitoki, ndetse n’ahandi igenda igwa nubwo Atari hose, yaguye amasaha abiri yose kandi ari nyinshi ku buryo ubutaka bwanyoye.”

Gasana yavuze ko iyo mvura yari ivanzemo umuyaga yasenye n’inzu y’umuturage mu murenge wa Kiziguro ubu akarere kakaba kagiye kumufasha.

Ati” Mu murenge wa Kiziguro inzu imwe yasambutse, tugiye gufasha nyirayo nk’uwahuye n’ikiza ariko muri rusange ubuyobozi n’abaturage turishimye kuko tutari twiteze imvura.”

JPEG - 107 kb
Meya Gasana Richard arasaba abaturage kugira icyizere cy’uko imvura iri hafi

Yasabye abaturage gutangira kwitegura igihembwe cy’ihinga A, ntibahugire mu kwirirwa bavuga ngo izuba ryaracane gusa. Yabagiriye inama yo kwegeranya ifumbire n’imbuto dore ko abafatanyabikorwa b’akarere bamaze kubegereza imvaruganda.

Ati ariko “Nanone ntitwababwira ngo batangire guhinga ngo imvura yaguye, gusa baba bategura ifumbire n’imbuto kuko ibi ni ikimenyetso kitwereka ko imvura ishobora kugwa vuba, mu gihe benshi bari biteze ko izuba rizamara igihe kinini ricanye.”

Mu cyumweru gishize, ubwo Minisitiri w’Intebe Anastase Murekezi yatahaga ibikorwaremezo byo kuhira imyaka byubatswe mu karere ka Gatsibo, yasabye abagatuye kwitabira gahunda yo kuhira imyaka, ngo bahangane n’amapfa yibasiye agace batuyemo.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.