Advertisement
 
 
 
 
 
 
 
 

Amakuru | Mu Ntara | Intara

Gatsibo:Gikoma:Bogoshera munsi y’ibiti   

  Yanditswe na DIEUDONNE HITIMANA
 July 2016

 
 

Bamwe mu bakora imirimo yo kogosha bakoresheje umuriro wa za batiri bavuga bagifite ikibazo cy’amikoro make atuma badashobora gukodesha inzu bakoreramo, aho kwifumbata bagahitamo kogoshera munsi y’ibiti.

Aba baturage bakoresha umuriro wa batiri ngo babone uko bogosha, ni abo mu kagari ka Gikoma mu murenge wa Rugarama mu karere ka Gatsibo.

Ubwo Imvaho Nshya yabasangaga mu isoko rya Gikoma, aba bogoshi bavuze ko umurimo bakora wo kogosha umaze kubakura mu bukene, ngo kuko ari nta wabura ibimutunga akora aka kazi.

Gusa nanone ngo hari igihe izi batiri zibafasha mu kubona umuriro watsa imashini bogoshesha zibatenguha, icyo gihe ngo umunsi ukaba ubapfiriye ubusa ku ruhande rwabo ndetse abakiriya nabo bagataha batiyogoshesheje.

JPEG - 402.5 kb
Umwe mu bogoshera kuri batiri munsi y’igiti (Foto Hitimana D)

Iyo witegereje neza aho aba bogoshi bogoshera munsi y’ibiti, ndetse ukareba n’ibikoresho bakoresha bimwe muri byo ubona bidakorerwa isuku ihagije, ndetse n’umusatsi ukagenda utumurwa n’umuyaga, bigaragara ko bishobora guteza ibibazo bishingiye ku mwanda, na cyane ko imyanda ihatumuka ijya mu bindi bicuruzwa mu isoko.

Nayiremera Jean Claude, umwe muri aba bakora umurimo wo kogosha yagize ati:"Nta bushobozi, twabuze amafaranga twaje mu isoko kubera ko twabuze ubushobozi bwo gukodesha inzu, ibihumbi icumi ni make? imisoro ya makumyabiri? niyo mpamvu tutabasha kujya mu mazu."

Ku ruhande rw’ubuyobozi bw’umurenge wa Rugarama, bwo buvuga ko isoko rya Gikoma ririmo umuriro ndetse n’amazu yo gukoreramo, gusa ngo abaturage nubwo baba ari nta bushobozi hakabaye hakoreshwa ubundi buryo, nko guhuza imbaraga ariko bakava munsi y’ibiti.

Umunyamabanga nshingwabikorwa w’umurenge wa Rugarama Urujeni Console, yabwiye Imvaho Nshya ko nk’ubuyobozi bagiye gufasha abaturage bagahindura imyumvire, kugira ngo bumve ko bagomba gukoresha ibikorwa remezo baba bahawe.

Uyu muyobozi akomeza avuga ko bagiye kureba uko aba bakora uyu murimo wo kogosha bakorerwa koperative cyangwa irindi tsinda, ibi bikazabafasha kujya bishyura inzu bakoreramo ku buryo bworoshye, ariko bakava munsi y’ibiti cyane ko bishobora gukomeza gukurura umwanda.

Yagize ati:"Turasabwa kubegera tukabakangurira gukorera hamwe nka koperative kugira ngo n’aya mazu yubatswe arusheho kubyazwa umusaruro ndetse n’aba bogosha babashe kuba bavugurura ibikorwa byabo."

Mu bindi byifuzo abakora imirimo y’ubucuruzi muri iri soko rya Gikoma bafite, bifuza ko bakubakirwa isoko rijyanye n’igihe, ngo kuko isoko bafite ritubakiwe bigatuma ibicuruzwa byabo byangirika mu gihe cy’imvura, ndetse n’ibishobora kwangizwa n’izuba nabyo bakabihomba.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.