Advertisement
 
 
 
 
 
 
 
 

Amakuru | Mu Ntara | Intara

Gakenke:Rucagu yanenze ibigwari bititabiriye itorero   

  Yanditswe na BASANDA NS OSWALD
 June 2016

 
 

Umuyobozi w’Itorero ry’igihugu Rucagu Boniface yanenze ibigwari bingana na 8% bitasoje amezi 6, aho bagombaga kwigishwa umuco na
kirazira bakigishwa kandi n’indangagaciro, bakanga ikibi bakayoboka
icyiza.

Ibyo yabivugiye mu muhango wo gusoza Itorero ry’inkomezabigwi II
zikurikira Inkomezabigwi za I na zo zabanjirijwe n’Imbanzamihigo na zo zabimburiwe n’Imparirwakurusha.

Abanyeshuri 1342 bangana na 92% ni bo babashije gusoza itorero harimo abahungu 633 n’abakobwa 709 bakaba bahawe impamyabushobozi y’ishimwe.

JPEG - 253.8 kb
Rucagu Boniface Umuyobozi w’Itorero ry’igihugu (Foto Basanda O.)

Rucagu Boniface Umuyobozi w’itorero ry’igihugu yagize ati ‘‘Ibigwari
tuzakomeza kubagira inama kugira ngo na bo bikosore, mu gihe
batabikoze bazaba biyicira amayira kuko batazaba babarizwa mu ntore,
bazagira ipfunwe mu bandi bavandimwe no mu muryango nyarwanda’’.

Yasobanuye impamvu zituma bashishikariza urubyiruko rurangije amashuri yisumbuye kwitabira itorero ry’igihugu.

Ati “Ikigamijwe ni ugukwiza imico myiza y’indangagaciro na kirazira mu Rwanda rw’ejo aho Abanyarwanda bagomba kubana mu mahoro, izo ntore zikaba umuyoboro wa gahunda za Leta bakazagira umusaruro mu bukungu n’iterambere bakorera abaturage”.

Umwe mu rubyiruko rurangije amashuri yisumbuye watojwe ubutore yagize ati “Mu gihe cy’amezi 6 uhereye mu kwezi kwa 1 kugeza mu kwezi kwa 6 twubakiye abaturage batishoboye uturima tw’igikoni 28, amashyiga ya kijyambere 12, ubwiherero 5, twubatse inzu y’umuntu utishoboye, twubatse ikinamba”.

Nzamwita Déogratias Umuyobozi w’Akarere ka Gakenke yagize ati
“Urubyiruko rw’intore z’inkomezabigwi II bamaze gukora imirimo
itandukanye twasanze ifite agaciro k’ibyo bakoze gahwanye na miliyoni
39”.

Urwo rubyiruko mu gihe cy’amezi 6 bigishijwe gukoresha ikoranabuhanga no kumenya gukoresha mudasobwa, bahugurwa n’uburyo bwo gukoresha serivise zikoreshwa n’irembo mu rwego rwo gusaba icyangombwa, bigishwa na BDF.

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.