Advertisement
 
 
 
 
 
 
 
 

Amakuru | Mu Ntara | Intara

Gakenke:Abaturage ntibarahabwa ingurane z’ibyabo byangijwe mu myaka 4 ishize   

  Yanditswe na NGABOYABAHIZI PROTAIS
 19 May

 
 

Abaturage bo mu murenge wa Kamubuga mu karere ka Gakenke, baratangaza ko bategereje ingurane z’imyaka yabo n’ibindi byangijwe mu gihe ikigo cy’igihugu gishinzwe gukwirakwiza amashanyarazi mu Rwanda (REG) cyanyuzaga umuyoboro mu mirima yabo, none imyaka ikaba ibaye 4 ntacyo barahabwa.

Aba baturage bavuga ko iyo bagiye kubaza iki kibazo abandi bayobozi nko ku karere, ubuyobozi bw’umurenge bubabuza, bukabizeza kugikemura, ariko bamara kugenda ikibazo kikibagirana.

JPEG - 383.1 kb
Umuyoboro w’amashanyarazi ngo wabangirije byinshi ariko ntibarabyishyurwa (Foto Ngaboyabahizi P)

Munyendamutsa Jean Marie Vianney wo mu kagari ka Kamubuga, yagize ati:“Ikigo cy’igihugu gishinzwe amashanyarazi ubu cyaduhejeje mu bukene, nkanjye ndiheraho mu gihe cy’imyaka 4 maze najyaga ntanga ishyamba ryanjye nk’ingwate muri banki ariko kubera ko REG yarimariye hasi ntabwo nakwiyaza.

Ikibabaje rero ni uko n’abayobozi bacu batuzinzika twajya kubibaza bakatubwira ngo ikibazo kiri mu nzira zo gukemuka ngo amafaranga arahari”.

Uyu muturage na bagenzi be bakomeza bavuga ko ubuyobozi bwakomeje kubakereza kubishyura bubasaba ibyangombwa binyuranye harimo iby’ubutaka, numero za konti muri Sacco ariko na n’ubu ntibarabona amafaranga.

Gusa nanone ngo bibaza impamvu ubwo Umukuru w’igihugu yabasuraga muri Gakenke mu kwezi kwa Werurwe uyu mwaka, bamubwiye ko amafaranga yabonetse bagiye kuyishyurwa, nyamara bajya ku makonti yabo bagasanga nta faranga na rimwe ririho.

Umunyamabanga Nshingwabikorwa w’umurenge wa Kamubuga Bizimana Ndababonye, yagize ati:“Ubundi ikibazo cy’abaturage banyurijwe umuyoboro w’amashanyarazi mu mirima n’imyaka yabo, ntabwo kiri muri uyu murenge gusa muri Gakenke, n’ahandi mu yindi mirenge kirahari ariko ndizera ko kiri mu nzira zo gukemuka.

Ikibazo cyagaragaye mu kugira ngo bishyurwe ni uko imibare yari itandukanye, aho abaturage bo bemezaga ko baberewemo umwenda wa miliyoni 11, ariko ikigo REG cyo mu igenzura n’ibarura cyakoze kikaba cyarabonye angana na miliyoni 6 gusa, urumva na we ko bigomba ubushishozi”.

Uyu muyobozi kandi avuga ko ikindi cyatumye batishyurwa ari uko ngo REG ariyo yagombaga kwishyura aba baturage, none ubu icyamezo kikaba cyarafashwe ko ari akarere kagomba kubishyura, ubu rero ngo kakaba karabishyize mu ngengo y’imari muri uyu mwaka, bakaba bazishyurwa mu gihe cya vuba ariko kitazwi.

 

Comments

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.