Advertisement
 
 
 
 
 
 
 
 

Amakuru | Mu Ntara | Intara

Gakenke: Abaturage bashinja umurenge kubambura asaga miliyoni 2   

  Yanditswe na NGABOYABAHIZI PROTAIS
 March 2016

 
 

Abaturage bo mu murenge wa Rusasa mu karere ka Gakenke bubatse amashuri y’urwunge rw’amashuri rwa Nyange, muri gahunda y’imyaka 12, baratangaza ko bambuwe n’umurenge amafaranga arenga miliyoni 2, bagasaba ko bakorerwa ubuvugizi bakishyurwa.

Bamwe mu baturage bubatse amashuri bavuga ko bamaze igihe kingana n’amezi 5 batarishyurwa, ibi ngo bikaba byarabateye ubukene n’amadeni menshi.

Hitimana Innocent wubatse kuri aya mashuri ari umufundi, yagize ati:“Ubundi dutangira akazi batwijeje ko tuzajya duhembwa mu minsi 15, ariko twatunguwe no kubona baduhemba inshuro imwe gusa.

JPEG - 358 kb
Abaturage bubatse amashuri ya Nyange ngo bahora mu nzirabishyuza (Foto Ngaboyabahizi P)

Ubu banyambuye amafaranga agera mu bihumbi 150, ngaho rero na we tekereza abakozi bageraga mu 100 rirenga batahembye mu gihe cy’amezi 5, ararenga amafaranga miliyoni 2”.

Uyu mugabo kimwe na bagenzi bahora k’urwunge rw’amashuri rwa Nyange baje kwishyuza, kandi ngo nta munsi n’umwe batazagaragaza ko barenganyijwe.

Ester Mukankusi, wakoze kuri aya mashuri nk’umufasha w’abafundi, yagize ati:“Ubu ndi umubyeyi urera abana 3 kandi bose bakeye ikibatunga, najyaga njya kwicira inshuro mu baturage nkayatahana, ariko namaze kumva ko hano nzajya nkorera 1200 ndashiduka, ubu ibimina nabagamo byarahagaze bicara banyandikira amande.

Ikindi giteye agahinda ni ukubona n’umuyobozi w’iki kigo yirukana umwana wanjye ngo nta bikoresho by’ishuri agira kandi nawe azi neza ko batarampemba narakoze iwabo.

Mbese abayobozi babona amashuri amaze kuzura bakicecekera baba bazi ko byakozwe na nde? Ntibatubwira niba ari umuganda, ibi bigomba guhinduka n’aho ubundi abaturage twaragowe.Njye nashatse kukibaza Perezida wa Repubulika bamwe mu bayobozi barambuza, none yagiye tutakiboneye igisubizo”.

Ubuyobozi bw’umurenge wa Rusasa bwo buvuga ko amafaranga ahari, ariko ngo kuyatanga ntibyashoboka ngo kuko hari bimwe mu bibazo bitarakemuka.

Umunyamabanga Nshingwabikorwa w’umurenge wa Rusasa Charles Ruhashya, yagize ati:“Ni byo koko bariya baturage bubatse ku bigo by’amashuri ya Ntonde na Nyange bamaze igihe batarahembwa, bubatse ibyumba bigera kuri 4 kuri ibyo bigo uko ari 2, gusa byagaragaye ko abakoze amalisiti bababaze amafaranga menshi.

Amafaranga arahari ari kuri konti y’umurenge ariko ubu dutegereje umugenzuzi w’imari mu matariki 29 Werurwe 2016, kugira ngo abyemeze koko ko hatabayemo uburiganya”.

Akomeza avuga ko amafaranga bambuwe agera muri miliyoni 2 n’ibihumbi birenga 100.

Asobanura ko hari aho basangaga abantu bamwe bafite imibyizi myinshi, bagera ku yandi malisiti bagasanga bitandukanye, ari nabyo byabateye urujijo.

 

Comments

 
 
Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Ngoma:Abaturage basabye ubuyobozi kubasaranganya igishanga cya Misarara
Ngoma:Abaturage basabye ubuyobozi kubasaranganya igishanga cya Misarara

Abaturage bo mu midugudu ya Munini I na Munini II, akagari ka Bugera, umurenge wa Remera, barasaba ubuyobozi kubakememurira ikibazo cy’imihingire y’igishanga cya Misarara, bavuga ko bari basanzwe (...)

Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.