Advertisement
 
 
 
 
 
 
 
 

Amakuru | Mu Ntara | Intara

Gakenke:Abaturage bagurishije inka, ikusanyirizo ribura amata rirafunga   

  Yanditswe na NGABOYABAHIZI PROTAIS
 22 April

 
 

Abaturage bo muri Gatonde mu murenge wa Mugunga mu karere ka Gakenke, baravuga ko ikusanyirizo ry’amata bakoreshaga ryahagaze gukora ndetse ngo ryanasize rinambuye bamwe mu barigemuriraga amata.

Ubuyobozi bw’umurenge wa Mugunga iri kusanirizo ry’amata ryubatsemo, buvuga ko gufungwa kwaryo kwatewe n’amata yabaye make ndetse n’imicungire mibi ryagize.

Cyakora ngo harimo harigwa uburyo ryakwegurirwa abikorera ku giti cyabo, bakareba uko baribyutsa, ndetse bagashyiraho uburyo bwo kwishakira uburyo buhoraho bwo kubona amata.

JPEG - 65.5 kb
Ikusanyirizo ryabuze amata rifunga imiryango (Foto archive)

Iri kusanirizo ry’amata rya Gatonde ryashyizweho mu mwaka wa 2012/2013, rigamije gufasha abaturage barituriye bo mu mirenge ya Mugunga, Rusasa, Janja, Muzo na Busengo kubona aho bakusanyiriza umukamo w’amata yabo, mbere yuko ajyanwa mu makaragiro azwi hirya no hino mu gihugu.

Gusa ryaje guhagarara mu mwaka wa 2014 nyuma yuko inka zari zatanzwe n’umushinga wa PAPSTA zari zimaze kugabanyuka byajyanye n’igabanuka ry’umukamo w’amata.

Umwe mu baveterineri bakurikiranga ibijyanye n’izi nka yagize ati :« Indi mishinga yaguriraga inka abaturage muri gahunda ya Girinka yaje kuzishaka muri uyu murenge, maze abari bahawe izo mu mushinga wa PAPSTA mu 2007 bakishimira amafaranga bakazigurisha, ibi rero bikaba byaratumye mu gihe cyo gushinga ikusanyirizo bari bizeye amata ariko basanga inka zarashize».

Mulindahabi Eliab ni umwe mu borozi bahagemuraga amata.Yavuze ko no kuba ririya kusanyirizo ryarafunze ari uko amwe mu mata bagemuye atishyuwe kubera imicungire mibi y’ikusanyirizo, aho avuga ko hari bamwe muri bagenzi be bambuwe amezi agera kuri abiri.

Ubuyobozi bw’umurenge wa Mugunga buvuga ko buzi neza ikibazo cy’ihagarara ry’iri kusanirizo Leta yari yafatanyije n’abaturage ngo rijyeho.

Umunyamabanga Nshingwabikorwa w’uyu murenge Gahire Gustave, na we akaba yemeza ko koko habayeho imicungire mibi y’ikusanyirizo n’aborozi bagurishije inka bari bafite.Yavuze ko bageze ku ikusanyirizo bagasanga hasigaye hagerayo litilo 80, kandi ryakira litilo 2000 ku munsi.

Yakomeje avuga ko ubu ngo hagiye gushakwa uburyo bariya borozi bakwishyurwa, nyuma yo gukora igenzura.Ubu kandi ngo ririya kusanyirizo bagiye kurishakira undi rwiyemezamirimo urishoboye.

Uyu munyamabanga Nshingwabikorwa w’umurenge wa Mugunga yirinze kugira icyo avuga ku kuba ubuyobozi bwararangaye abaturage bakagurisha inka zagombaga kuvamo umukamo wagombaga guhaza iri kusanyirizo, biragaragara ko ari cyo kibazo nyir’izina cyatumye rihagarika imikorere.

 

Comments

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.