2017-07-23 11:30:24 clouds 27o High | Kigali Rwanda

Dukurikire:
 
 

Gakenke:Abasizwe iheruheru n’ibiza bemerewe miliyoni 14

Yanditswe na IMVAHO NSHYA

Kuya 2016-06-08 09:25:03

 
Share on:
 
Yasuwe:1
 
Yavuzweho:200
 
10
 
10

Inshuti, abakozi n’abakomoka mu karere ka Gakenke bakusanyije inkunga y’amafaranga miliyoni zisaga 14, yo kugoboka abaturage basenyewe n’imvura mu Karere ka Gakenke, igatuma bava mu byabo.

Uretse kuba iyi mvura yaratwaye ubuzima bw’abaturage, yanashenye amazu ndetse yangiza imyaka y’abaturage, abatari bake basigara iheruheru.

Ubufasha abakomoka mu karere ka Gakenke n’inshuti zako bemereye aba baturage bugizwe n’amafaranga, ubwisungane mu kwivuza ndetse n’ibyo kurya.

JPEG - 76.3 kb
Abasizwe iheruheru n’ibiza bashyikirizwa imfashanyo y’ibiribwa (Foto Basanda O)

Nyirangirimfura Esperance, umwe mu bagize uruhare mu gukusanya iyi nkunga yagenewe abasizwe iheruheru n’ibiza, yashimye cyane abagize iki gitekerezo cyo gufasha aba baturage.

Yagize ati:‘‘Turashimira igitekerezo cyiza abayobozi bacu batugejejeho bakadukangurira kwifatanya, none tukaba tubonye inkunga y’amafaranga 14730 950.”

Muri iyi nkunga yatanzwe harimo amafaranga asaga miliyoni 6, yatanzwe n’abanyamabanga Nshingwabikorwa b’imirenge itandukanye y’akarere ka Gakenke.

Minisitiri ushinzwe impunzi n’imicungire y’ibiza Mukantabana Seraphine, yashimiye abakomoka mu Karere ka Gakenke, bagize umutima mwiza wo guha inkunga aba baturage.

Imiryango yahuye n’ibiza byibasiye akarere ka Gakenke mu minsi ishize, ikeneye ubufasha, ni 1425.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE