Advertisement
 
 
 
 
 
 
 
 

Amakuru | Mu Ntara | Intara

Gakenke:Abasizwe iheruheru n’ibiza barataka ubucucike mu mahema   

  Yanditswe na NGABOYABAHIZI PROTAIS
 May 2016

 
 

Abaturage bo mu karere ka Gakenke basizwe iheruheru n’ibiza, barashimira Leta yabakoreye ubuvugizi ndetse nayo ikabafasha kubona amahema bakingamo umusaya, ariko nanone ngo baracyabangamiwe n’uko amahema bayabamo ari benshi cyane.

Aba baturage bavuga ko hari ababa mu ihema rimwe ari abantu 30, ibi ngo bikaba bishobora guteza ingaruka mbi zikomoka ku mwanda, na cyane ko uburyo kwo kwita ku isuku budahagije aho bakambitse.

Imiryango ifite amazu yasenyutse burundu mu karere ka Gakenke kubera imvura yaguye mu ijoro ry’itariki ya 7 rishyira iya 8 Gicurasi uyu mwaka, igera kuri 400.

Bamwe mu bari bayigize bacumbikiwe n’abaturanyi babo abandi bacumbikirwa mu mahema manini yubatswe mu mirenge ya Minazi, Mataba na Muzo.

Ayo mahema acumbikira abantu 30, abagore n’abana bakabana ukwabo, n’abagabo bakaba ukwabo.

JPEG - 211.4 kb
Abasizwe iheruheru n’ibiza bahawe ubufasha butandukanye, ariko baracyabangamiwe n’ubucucike

Abo mu murenge wa Muzo baganiriye n’Imvaho Nshya, bavuga ko aya mahema babaye batujwemo yabagobotse cyane, gusa imbogamizi basigaranye ikaba ari ubucucike buri ku gipimo cyo hejuru.

Uwitwa Uwitonze Jean Pierre, yagize ati:“Aya mahema tubamo yatubereye igisubizo cyane kubera ko twari dusigaye iheruheru tutagira aho kwikinga imbeho yatuzahaje, abana barara hanze, ariko ubu nibura turashima ko imbeho yagabanutse”.

Yakomeje agira ati: “Ariko n’ubwo ibibazo twasigiwe n’ibiza bigenda bishakirwa ibisubizo kuko dukomeje guhabwa ibyo kurya, ibikoresho byo mu gikoni, ibyo kwiyorosa n’amahema, ikibazo dusigaranye ni icy’ubucucike mu mahema, kuko abantu 30 ari benshi mu ihema rimwe.”

Mu bindi bikibabangamiye kandi yagaragajemo ikibazo cyo kutagira ibikoresho by’isuku, aho abenshi bagaragaza impungenge z’ingaruka bishobora kubagiraho.

Akarere ka Gakenke kihutiye gukorera ubuvugizi abaturage bazahajwe n’ibiza ku buryo abafatanyabikorwa bako bagatabaye vuba, gahereye ku bari bagize ibyago bagapfusha ababo 34, abo Ibiza byasenyeye amazu n’ab’imyaka yabo yatembanywe n’inkangu n’umuvu w’amazi.

Umuyobozi w’aka karere wungirije ushinzwe imibereho myiza Uwimana Catherine, yatangaje ko ibyo byatekerejwe nk’igisubizo cyihutirwaga, ariko hagikomeza gushakishwa ubundi buryo burimo gukoresha shitingi no kongera umubare w’amahema, kugira ngo iki kibazo abaturage bafite gikemuke.

Umukozi ushinzwe ubutabazi mu muryango utabara imbabare mu Rwanda Nkiko Samson yavuze ko koko aho bigaragariye ko hari ubucucike mu mahema agiye kongerwa, kugira ngo mu gihe batarabona aho batura babeho bisanzuye.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.