Advertisement
 
 
 
 
 
 
 
 

Amakuru | Mu Ntara | Intara

FPR Inkotanyi yemereye abarimu ubuvugizi ku isoko ryihariye bifuza   

  Yanditswe na IYAREMYE YVES
 2 months ago

 
 

Abanyamuryango ba FPR Inkotanyi mu Karere ka Rubavu barifuza ko hajyaho isoko ryihariye ry’abarimu ryabafasha kubaho, bitewe n’urwego n’umushahara wabo, kuko ngo byazamura iterambere rya bo n’ireme ry’uburezi muri rusange.

Aba banyamuryango bemeza ko umwarimu ari umwe mu bafitiye igihugu akamaro, ari nayo mpamvu bumva hakwiye kwigwa uburyo ubuzima bwe bwazamurwa ndetse akitabwaho.

Ubwo hakusanywaga ibitekerezo bizashyirwa muri manifesito 2017-2014 mu mu nteko ya FPR Inkotanyi/Akarere ka Rubavu, aba banyamuryango biganjemo abarimu bemeje ko habayeho isoko ryihariye byabafasha kugera kure ndetse no guhindura ubuzima bwabo.

JPEG - 184.1 kb
Umwe mu barimu asaba ko isoko ry’abarimu ryakwigwaho rigashyirwa mu ngiro (Foto Iyaremye Y)

Bigirimana JMV utuye mu karere ka Rubavu yagize ati “Nk’abarimu igihugu kimaze kugaragaza ko kitwitaho kikadushyiriraho gahunda nyinshi, ariko nk’uko ingabo z’igihugu zoroherejwe ku mihahire na twe Leta idufashije tukabona isoko ry’abarimu byadufasha kurushaho kunoza ibyo dukora.”

Nibishaka Esperance nawe yagize ati“Twagiye twumva bivugwa kenshi, bamwe muri bagenzi bacu basaba ko hajyaho ‘teacher shop’ ntibigire umusaruro bitanga, ariko mu byo FPR Inkotanyi iteganya kugeza ku banyarwanda mu myaka umunani iri imbere, hagiyemo isoko ry’abarimu byadufasha kwiteza imbere biruseho.”

Umuyobozi w’Akarere ka Rubavu Sinamenye Jeremie, avuga ko impamvu bahisemo iki gitekerezo ari uko ubu busabe bwaturutse ku mudugudu, mu Kagali ndetse no mu Murenge ngo bikaba bigaragaza ubushake bw’iterambere rya mwarimu abanyamuryango bafite.

Yagize ati “Mwarimu ni umwe mu bantu bafitiye igihugu cyacu akamaro ko guteza imbere uburezi, abanyamuryango basabye ko yashyirirwaho isoko ryihariye kandi koko birakwiye, iki gitekerezo tuzakigeza ku buyobozi bw’Intara kuko ni ingirakamaro.

Umwarimu iyo ateye imbere n’umwana ari we Rwanda rw’ejo atera imbere bityo n’igihugu muri rusange kigatera imbere.”

Uretse iterambere rya mwarimu aba banyamuryango bifuje ko ryatera imbere, banasabye ko ikiyaga cya Kivu cyarushaho gutezwa imbere kigakurura abakerarugendo, gushyira ibitaro bya Gisenyi mu rwego rwisumbuye n’ibindi.

Icyifuzo cyo gushyiraho ihahiro ryihariye ry’abarimu si gishya, kuko hashize igihe abarimu hirya no hino mu gihugu babisaba, ariko magingo aya ntikiremezwa n’inzego zibishinzwe ngo gishyirwe mu bikorwa.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.