Advertisement
 
 
 
 
 
 
 
 

Amakuru | Mu Ntara | Intara

Mukabaramba arasaba abayobozi gucika ku ngeso yo kunyereza inkunga y’abakene   

  Yanditswe na MANISHIMWE NOEL
 1 month ago

 
 

Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage, Dr. Mukabaramba Alivera, arasaba abayobozi kwirinda kwikubira inkunga igenerwa abatishoboye, kandi n’uburyo abakwiye gufashwa batoranywa bikajya bikorerwa mu ruhame, nta kimenyane.

Ibi yabitangaje mu kiganiro yagiranye n’itangazamakuru mu murenge wa Rukumberi, ubwo hizihizwaga umunsi mpuzamahanga w’abageze mu zabukuru.

Mu bihe bitandukanye abaturage hirya no hino mu gihugu bumvikana bataka ko hari aho inkunga idatangwa neza bakagaragaza ko abayobozi bamwe batoranya abagenerwabikorwa mu buryo butanyuze mu mucyo.

Ntirugiribambe Febroniya, w’imyaka 69, utuye mu kagari ka Cyunuzi, Umurenge wa Gatore yabwiye Imvaho Nshya ko umwe mu bayobozi b’umurenge yanze kumushyira ku rutonde rw’abagomba guhabwa inkunga y’ingoboka, mu gihe mu mudugudu yari yatoranyijwe.

Yagize ati “Nabuze uko nabigenza, mu mudugudu barantoye, ariko ushinzwe imibereho myiza ku murenge yarabyanze, ngo ntabwo nkwiye gufashwa, kandi ntishoboye n’abaturanyi bari bantoranyije babibona, mbana n’akuzukuru kanjye, ariko nta gatungo ngira, banshyize mu cyiciro cya 2 cy’ubudehe.”

JPEG - 100.8 kb
Dr Mukabaramba Alvera

Umunyamabanga wa Leta muri Minisiteri y’Ubutegetsi bw’igihugu Dr. Mukabaramba Alvera asaba inzego z’ibanze kurangwa n’ubunyangamugayo mu gutoranya abahabwa inkunga Leta igenera abatishobye, kandi n’abaturage ubwabo bakajya bagira uruhare ruziguye mu gutoranya abagomba kuyihabwa.

Yagize ati “Inzego z’ibanze nicyo bashinzwe nibo batoranya abagomba gufashwa, kandi n’abaturage bakaba bahari bakabigiramo uruhare, kuko akenshi niho byagiye bipfira ugasanga uwakogombye gutoranywa si we watoranyijwe, aha ninaho twagize ikibazo cyo guhora dufasha abantu batakagombye gufashwa”
Akomeza avuga ko ahakigaragara ikimenyane mu gutoranya abahabwa inkunga n’abayobozi bikubira ibyagenewe abatishoboye, bagomba kubicikaho kandi ngo hari gukazwa ingamba zigamiye kunoza ishyirwa mu bikorwa ry’iyi gahunda.

Agira ati “Icyo kintu cyo kigomba gucika, ni nacyo tugiye gushyiramo imbaraga kuko niba hatatoranijwe ugomba gufashwa byose biba byapfuye, ubu tugiye gukorana n’imiryango itegamiye kuri leta kugira nayo ibidufashemo, kuko hagiye hazamo ibintu bidasobanutse.”

Dr Mukabaramba yongeraho ko Leta yashyize imbaraga mu guharanira ko inkunga igenerwa abaturage ibageraho uko bikwiye, ku buryo na bamwe mu bayobozi banyereza ibya rubanda bafatwa bagahanwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.