2017-05-24 10:43:15 clouds 27o High | Kigali Rwanda

Dukurikire:
 
 

Cristiano Ronaldo arashaka kubyara undi umwana ku mugore utazwi

Yanditswe na IMVAHO NSHYA

Kuya 2016-03-28 08:23:23

 
Share on:
 
Yasuwe:15
 
Yavuzweho:200
 
10
 
10

Ikimenyetso Cristiano Ronaldo yakoze yishimira igitego yatsinze ku mukino Real yatsinze Celta Vigo cyo guhisha umupira mu mwenda imbere, benshi baketse ko ari uguca amarenga yo kwibaruka undi mwana wa kabiri.

Ibinyamakuru byo muri Portugal harimo “Correio de Manha” na “Flash” byemeza ko iki kimenyetso yakoze gica amarenga yo kwibaruka umwana wa kabiri.

Nk’uko umwana we wa mbere yavutse na n’ubu nyina akaba ataramenyekana no ku mwana wa kabiri ngo Ronaldo yifuza ko ariko byagenda.

Ubu ikimuraje ishinga ni ugushaka uwamubyarira umwana wa kabiri akamwishyura amafaranga ariko ntazagaragaze ko ari nyina.

Cristiano Ronaldo ngo amaze igihe kinini akora ingendo muri Amerika ashakisha ibitaro byabimufashamo ndetse n’ubuyobozi. Ibitangazamakuru byo muri Portugal byemeza ko ibi yabitangiye mu mpera z’umwaka ushize.

Nk’uko yabigenje ku mwana we wa mbere, Cristiano Ronaldo nta mpungenge afite zo kongera gutanga akayabo k’amafaranga yo gushaka no guha uwambubyarira umwana ntiyigararagaze.

Mu mwaka wa 2010, Cristiano Ronaldo yabwiye itangazamakuru ko adashobora na rimwe kuvuga nyina w’umwana afite ubu kuko abifitiye uburenganzira busesuye ndetse anasaba ko batakomeza gushaka kwinjira mu buzima bwe bwite.

Miliyoni y’amayero ngo ni yo yifuza kongera gutanga ku wamubyarira umwana wa kabiri nk’uko uwamubyariye imfura ariyo yahawe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE