Advertisement
 
 
 
 
 
 
 
 

Amakuru | Mu Ntara | Intara

BURERA:Inzoga y’inkorano yitwa ‘Karutare’ irateza ibibazo abaturage   

  Yanditswe na NGABOYABAHIZI PROTAIS
 26 March

 
 

Abaturage bo mu murenge wa Kagogo mu karere ka Burera, batewe impungenge n’inzoga y’inkorano yadutse muri iyi minsi, bemeza ko yengwa mu ruvangitirane rw’amasaka n’ibimera bisharira cyane, ku buryo uyinyweye ahita ata umutwe agateza amahane.

Iyi nzoga iharawe cyane mu isantere ya Rwibikonde, ije nyuma y’izindi nzoga zikaze zengwa n’abaturage bo mu mirenge itandukanye y’aka karere, zirimo izitwa umufwe, umurahanyoni, imidindiri, imimanurajipo n’izindi ziba zenzwe mu bintu bikaze.

Iyi nzoga y’inkorano yadutse muri iyi santere yahawe izina rya Karutare, ngo yengwa hakoreshejwe ifu y’amasaka, aho bakora ikivuge bakagishyiramo umusemburo w’imigati, itabi ry’igikamba, umuravumba, umubirizi n’ibindi byatsi bisharira, igatarwa iminsi itatu.

JPEG - 489.7 kb
Uyu musore yanyoye kuri Karutare none yasinziriye ku nzira (Foto Ngaboyabahizi P)

Abasomye kuri iyi nzoga bemeza ko iyo ihiye iba iryohereye, uyinywa agakurikira akaryohe, agatakaza ubwenge mu buryo nawe atazi.

Umwe mu bagore bo muri iyi santere yagize ati:“Iyi nzoga urebye irusha ubukare kanyanga, na we se ibintu umuntu anywa yumva biryohereye akageza ubwo ata umutwe.

Abagabo usanga iyo bamaze kuyihaga biryamiye ku mihanda basinziye, urumva rero umugore we nta rutangira kuko aba atazi ibyo arimo, ashobora no gufatwa ku ngufu atabizi.”

Uyu mugore yongeraho ko impamvu abaturage bayikunda ari uko igura amafaranga make, aho igikombe kigura amafaranga 150, kandi uwayinyoye agasinda kurusha uwanyiye ikaziye y’inzoga zisanzwe.

Abaturage bo mu murenge wa Kagogo bavuga ko ikibateye ubwoba cyane ari uko uwanyoye iyi nzoga agira amahane, akagenda akubita abo ahuye nabo bose, ibi bikaba byiyongera ku kwiyandarika kuranga umugore wayinyoye.

Umunyamabanga Nshingwabikorwa w’akagari ka Kayenzi, Nyiranzitukuze Beatrice, yagize ati: “Ni ko ko muri iriya santere ya Rwibikonde hari inzoga z’inkorano yitwa karutare, ari nayo mpamvu ubu usanga harangwa umutekano muke, ubwambuzi no kurwana.”

Ubuyobozi bw’akagari ka Kayenzi isantere ya Rwibikonde iherereyemo buvuga ko bwahagurukiye kurwanya iyi nzoga n’izindi zose zihakorerwa, kuko zangiza ubuzima bw’abaturage kandi zigateza umutekano muke muri rusange.

 

Comments

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.