Advertisement
 
 
 
 
 
 
 
 

Amakuru | Mu Ntara | Intara

Burera: Amashyiga yari agenewe abaturage yaheze mu biro by’utugari   

  Yanditswe na NGABOYABAHIZI PROTAIS
 July 2016

 
 

Mu rwego ku bungabunga ibidukikije no gukoresha ibicanwa bike hashyizweho uburyo bushya bw’amashyiga ya Kijyambere ariko, mu karere ka Burera abaturage baratangaza ko ayo mashyiga agiye kumara imyaka 2 abitse mu biro by’utugari.

Aya mashyiga yakwirakwijwe mu turere twose tw’igihugu. Bikaba byari biteganyijwe ko mbere na mbere yagombaga guhabwa imiryango itishoboye.

Bamwe mu baturage Imvaho Nshya yaganiriye na bo mu murenge wa Kagogo, Akagari ka Kilinga; barimo Ndagijimana Innocent, bavuga ko abayobozi babo bo hasi bajijisha inzego zo hejuru.

Yagize ati “Hari bimwe mu bikorwa bya Leta bishyikirizwa inzego z’ibanze ngo zibigeze ku baturage, abayobozi bakuru bakibwira ko byashyizwe mu bikorwa ariko bikaba ari ibintu byibereye aho nk’imitako cyangwa se imihango.” Aha yavugaga urugero rw’ayo mashyiga.

JPEG - 21.7 kb
Ayo mashyiga asa nk’iri abitse mu biro by’utugal

Ati “Mu mpera z’umwaka wa 2014, twazaniwe hano amashyiga ya kijyambere batubwira ko azadufasha kwirinda indwara no kubungabunga ibidukikije ariko arunze mu kagari mu cyumba cy’inama k’uburyo dukorera inama hanze kubera ayo mashyiga arunzemo, nibaza icyabuze ngo bayaduhe tuyakoreshe icyo yagenewe tukaba twarahebye.”

Ikindi kandi aba baturage bahurizaho ngo ni uko hari bamwe mu banyamabanga nshingwabikorwa batoteza abarara amarondo ngo bababwira ko ariya mashyiga naramuka yibwe bazajya babyirengera bakayariha, ibintu babonamo akarengane.

Bamwe mu banyamabanga nshingwabikorwa baratangaza ko habayeho ikibazo cyo kuba batayaha abantu batazi kuyakoresha, gusa ngo biri mu nzira yo kubona igisubizo.

Umunyamabanga nshingwabikorwa w’Umurenge wa Kagogo Butoyi Louis yagize ati“Ntitwari guha umuturage amashyiga adashoboye kandi atazi uburyo bwo kuyakoresha, iriya gahunda yayo uburyo yateguwe harimo no kuba ugiye kuyahabwa abanza guhugurwa; nta mahugurwa barabona ubu rero harimo gutegurwa amahugurwa.

Kandi ni mu minsi ya hafi kuko abo mu murenge wa Cyanika duhana imbibi ubu bari guhugurwa, abazahabwa aya mahugurwa ku ikubitiro ni abatishoboye ari na bo bagenewe ariya mashyiga”.

N’ubwo ariko abanyamabanga nshingwabikorwa b’imirenge baganiriye n’Imvaho Nshya bavuga ko iki kibazo kiri mu nzira yo gukemuka nta gihe nyacyo bakubwira kuko nabarangije guhugurwa batarayahabwa muri Burera.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.