2017-08-22 09:34:31 clouds 27o High | Kigali Rwanda

Dukurikire:
 
 

Burera:Abarera abana batawe n’ababyeyi bagowe no kubiyandikishaho

Yanditswe na IMVAHO NSHYA

Kuya 2017-04-03 05:17:16

 
Share on:
 
Yasuwe:360
 
Yavuzweho:200
 
10
 
10

Bamwe mu babyeyi bo mu murenge wa Kinyababa mu karere ka Burera barera mu ngo zabo abana batoraguwe, ngo basanga kugira umutima w’ubumuntu wo kwita ku bana batagira kirengera ari ngombwa.Gusa ngo bahura n’ibibazo byo kwandikisha aba bana, kuko bibasaba kubanza kujya mu nkiko.

Abatanga ubufasha mu by’amategeko bakora muri MAJ, bavuga ko iki kibazo ubu cyakemutse, kuko inkiko zihutisha ibibazo byose bijyanye n’uburenganzira bw’umwana.

Umwe mu bagore bazwi nka Malayika murinzi, barera abana batoraguwe k’umuhanda, we akaba arera umwana w’umukobwa yatoraguye, nawe ahamya ko kwandikisha uyu mwana yatoraguye bigoye cyane.

Yagize ati « Natoraguye uyu mwana nyuma y’uko uwamubyaye na njye ntazi amaze kumuta k’umuryango wanjye, ubu mumaranye imyaka igera ku 8, ariko kujya kumwandikisha mu gitabo cy’irangamimere usanga ari ikibazo kuko badusaba kubanza kunyura mu nkiko, rimwe na rimwe umuntu akaba nta n’amafaranga yo gutanga igarama, ndasaba ko twajya tworoherezwa haba mu nkiko ndetse n’ahandi hose umuntu watoye umwana akaba amurera, yajya ahabwa serivise byihuse.

JPEG - 180.7 kb
Kwandikisha abana batawe n’ababyeyi mu karere ka Burera bifuza ko byakoroshywa

Kuko aba bana n’ubwo habaho bamwe mu babyeyi babuze ubumuntu niko nabita babajugunya ku nzira, ariko ni abana b’abanyarwanda, gusa nanone nenga abakobwa n’abagore bahangara kujugunya abana bibyariye».

Uyu mugore yongeraho ko inzego z’ibanze zibaha ubufasha mu kurera bariya bana ariko ngo hari ikibazo cyo kuba basiragizwa mu nkiko.

Kuri iki kibazo, umuhuzabikorwa wa MAJ mu karere ka Musanze, Giraneza Justine, avuga ko iki kibazo gitinzwa ahanini no kudasobanukirwa amategeko.

Giraneza avuga ko MAJ ngo zorohereza mu nkiko, by’umwihariko abantu batishoboye bifuza kuba ababyeyi b’abana batabyaye binyuze mu mategeko, aha rero ngo MAJ ibaha ubufasha, burimo kubafasha gutegura urubanza k’umuntu utishoboye kandi ngo akaba yahabwa ubwunganizi mu nkiko ku bw’inyungu z’umwana n’uburengannzira bwe.

Aha ni ho ahera asaba abatoragura abo bana kujya bagana MAJ, kugira ngo bahabwe inama n’ubufasha.

Mu gihe umuturage atoraguye umwana, abanza kubinyuza mu nzego z’ibanze kugira ngo zibimenye, icyo gihe afatwa nka Malayika murinzi.

Ariko kugira ngo umwana yandikwe k’umubyeyi utaramubyaye, (adoption), ngo byemezwa n’inkiko, ariko ngo bibanza ahanini kunyura nanone mu nzego zishinzwe iperereza, na Komisiyo y’igihugu yita k’uburenganzira bw’umwana mu Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE