Advertisement
 
 
 
 
 
 
 
 

Amakuru | Mu Ntara | Intara

Burera: Abagabo bararukiye mu nkumi, abagore ntibagisinzira   

  Yanditswe na NGABOYABAHIZI PROTAIS
 5 months ago

 
 

Bamwe mu bagore bo mu murenge wa Cyanika mu karere Burera, bavuga ko bahangayikishijwe n’ikibazo cy’ubuharike bwiganje muri uyu murenge, mu gihe bamwe mu bagabo bashinja abagore kwitwaza ihame ry’uburinganire bakagira umwanda.

Muhorakeye Elizabeth, umwe mu bagore bo mu murenge wa Cyanika avuga ko abagabo babo babacika bagashidukira inkumi bakazirongorera muri Uganda ahakiri akavuyo mu miyoborere.

Ati “Mu gihugu cya Uganda ho umugabo atunga abagore barenga umwe kandi bikemerwa, abacu nabo rero kuri ubu basigaye bikundira inkumi bakazirongora bakigira muri Uganda, undi muco ukomeye utubangamiye n’ubuyobozi bwacu budashobora gupfa gutahura mu buryo bworoshye, ni bamwe mu bagore batwara abagabo b’abandi , aba rero bashukisha abagabo amafaranga bakabatwara.
Hari n’abagabo babona bamaze kubyara abana benshi bagahitamo kubahunga, njye nifuza ko Leta yakongera ingufu mu kurwanya ubuharike kuko kuri ubu bwahinduye isura”.

JPEG - 302.3 kb
Bamwe mu bagore bashinja abagabo babo kubaharika inkumi (Foto Ngaboyabahizi P)

Kuba abagabo bata abagore babo bakajya kwishakira abandi ngo bitera ubukene bw’akarande, kuko iyo umugabo wo muri Cyanika ataye urugo iterambere ryarwo risa n’irihagaze.

Umwe mu bagore yagize ati “Umugabo yarantaye ajyanye inkumi muri Gisoro, na njye ngana iy’abapfumu, urumva umugabo atwaye umutungo muri Uganda atega buri munsi agiye kureba umugore wa 2, nanjye ndatega njya gushakira umuti muri Uganda.

Rwose byaradukenesheje kuko abapfumu bandiye agera ku bihumbi 160 ngo umugabo muhe umuti agaruke, ariko byaranze”.

Uyu mugore akomeza avuga ko kugira ngo abone ariya mafaranga byabaye ngombwa ko avuga ko inka yabo yibwe, ngo kandi ari we wayigurishije nijoro.
Ati “Inka narayitanze kuko nari mbuze umugabo, kandi na we yayisize, gusa noneho ubu yarantaye ajya Kampara narumiwe”.

Bamwe mu bagabo bo muri Cyanika bo ngo babiterwa no kuba hari abagore babatoteza, ubundi ngo ntibiyiteho ngo bagire isuku, bityo bagahitamo kubata.

Uwitwa Mugabo yagize ati “Mu by’ukuri kubera imyumvire mike y’uburinganire, abagabo duhozwa ku nkeke wabona utahora urwana ugahitamo gushaka undi mukigira Uganda, ikindi bamwe mu bagore ubu ni abanyamwanda”.

Ubuyobozi bw’umurenge wa Cyanika bwo bukaba buvuga ko ka nta bibazo by’ubuharike kiri muri uyu murenge, ngo kuko abagabo bo muri uyu murenge barajwe ishinga n’ibibazo by’imibereho yabo n’iterambere, aho kwirirwa mu buharike nk’uko bivugwa.

Umunyamabanga nshingwabikorwa w’umurenge wa Cyanika Kayitsinga Faustin, yabwiye Imvaho Nshya ko nta kibazo cy’ubuharike azi mu murenge ayobora, ahubwo ngo abagabo baho barangwa no gukunda umurimo no kwiteza imbere.

 

Comments

 
 
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.