Advertisement
 
 
 
 
 
 
 
 

Amakuru | Mu Ntara | Intara

Bugesera: Abamotari biyemeje kugira uruhare mu gusigasira umutekano wo mu muhanda   

  Yanditswe na RNP
 August 2016

 
 

Abatwara abagenzi kuri moto bagera kuri 300 bakorera uyu mwuga mu karere ka Bugesera biyemeje kugira uruhare mu kubungabunga umutekano wo mu muhanda birinda icyatuma bakora cyangwa bateza impanuka.

Ibi aba bakora uyu mwuga barimo abibumbiye muri Union des Cooperatives des Taxi-Motos de Bugesera (COTAMOBU), Icyizere na Icyerekezo-Ruhuha babyiyemeje ku itariki 19 Kanama mu nama bagiranye na Polisi y’u Rwanda muri aka karere, ikaba yarabereye mu murenge wa Nyamata.

Mu butumwa yagejeje kuri bagenzi be, Umuyobozi wa COTAMOBU, Havugimana Eugene yagize ati:" Hari igihe bamwe muri twe birara bakica amategeko agenga umwuga wacu. Ibyo ni byo akenshi bibaviramo gukora cyangwa guteza impanuka. Turasabwa kubahiriza amategeko agenga umwuga wacu kugira ngo tuzikumire."

Yakomeje agira ati:"Kutagira amakenga bishobora gutuma dutwara abagiye gukora ibyaha cyangwa abafite ibintu bitemewe n’amategeko nk’ibiyobyabwenge. Dukwiye kurangwa n’amakenga buri gihe kugira ngo tudafasha abashaka gukora ibyaha kubigeraho, kandi igihe tugize uwo dukeka ko afite ibintu bitemewe cyangwa ko agiye gukora ibikorwa binyuranije n’amategeko tugahita tubimenyesha Polisi y’u Rwanda."

Mu ijambo rye, uyobora Icyerekezo-Ruhuha, Harerimana Jean Damascene yagize ati:"Ntitugomba gutwarwa umutima n’amafaranga ngo twibagirwe ko umutekano usesuye dufite mu gihugu ari wo utuma dukora umwuga wacu nta nkomyi. Tugomba kugira uruhare mu kuwusigasira twubahiriza amategeko n’amabwiriza y’umwuga wacu, twirinda ibyaha aho biva bikagera, kandi duha Polisi y’u Rwanda amakuru yatuma bikumirwa."

Ushinzwe imikoranire ya Polisi y’u Rwanda n’abaturage ndetse n’izindi nzego muri aka karere, Assistant Inspector of Police (AIP) Cyprien Uwitonze yabwiye abo bakora uyu mwuga ko bagenzi babo bakora cyangwa bagateza impanuka babiterwa ahanini no gutwara moto ku muvuduko urenze utegetswe, gukoresha telefone batwaye moto; harimo kwitaba uyibahamagayeho, kuyihamagaza ubwabo batwaye moto, guheka abagenzi barenze umwe, kuvanga abagenzi n’imitwaro, no gutwara moto basinze cyangwa bananiwe.

Yagize ati: "Impanuka iyo ibaye ntitoranya. Ishobora namwe kubakomeretsa cyangwa ikabahitana. Murasabwa kubahiriza amategeko y’umwuga wanyu kubera ko biri mu nyungu zanyu n’abandi bakoresha umuhanda muri rusange."

AIP Uwitonze yabakanguriye kandi kwambara ingofero yabugenewe (casque) igihe batwaye moto, kandi bagatangira gutwara moto umugenzi na we amaze kuyambara.

Yababwiye ati:" Mufite inshingano zo gusigasira umutekano w’uwo mutwaye kuri moto ndetse n’uw’abakoresha umuhanda muri rusange. Nimwubahiriza amategeko n’amabwiriza y’umwuga wanyu muzaba mubaye abafatanyabikorwa beza mu kubungabunga umutekano wo mu muhanda."

Yabasabye kujya bahagarara igihe cyose bahagaritswe n’Umupolisi cyangwa undi muntu ubifitiye ububasha.

 

Comments

 
 
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.