Advertisement
 
 
 
 
 
 
 
 

Amakuru | Mu Ntara | Intara

Bifuza ko umusozi wa Nzaratsi wubakwaho urwibutso rwa Jenoside   

  Yanditswe na UMUTONI BEATHA
 April 2016

 
 

Kimwe n’ahandi henshi mu gihugu, ahitwa ku musozi wa Nzaratsi mu murenge wa Mbuye, mu karere ka Ruhango, mu gihe cya Jenoside yakorewe abatutsi ngo hahawe izina rya Kaluvariyo, bitewe n’urupfu rw’agashinyaguro abatutsi bari bahatuye bishwe.

Iri zina ngo rikaba ryaraturutse ku nzira y’ububabare abatutsi banyuzwagamo bajyanwa kwicwa, nyuma y’aho abari bahahungiye ngo babashe kwirwanaho, interahamwe n’abasirikare ba FAR babarasheho amasasu bagatatana.

Uyu musozi witwa Nzaratsi uherereye mu kagari ka Mwendo ho mu murenge wa Mbuye.

JPEG - 30.4 kb
Uyu musozi wa Nzaratsi wiciweho abatutsi benshi (Foto Umutoni B)

Mu gihe cya Jenoside yakorewe abatutsi, ukaba waraje guhungirwaho n’abatutsi benshi babaga muri ako gace, mu rwego rwo gushakisha uko birwanaho nk’uko ngo byagendaga mu myaka yabanjirije 1994, nayo yagaragayemo gutotezwa gukomeye kw’abatutsi.

Iragena Yohani Baptista ufite imyaka 50, ni umwe mu barokokeye muri ako gace, kandi wanahabaye mu myaka inyuranye.Avuga mu myaka yabanjirije 1994 iyo abatutsi baterwaga bajyaga kuri uyu musozi bakarwana n’abashakaga kubica, maze bagacika intege bagasubira inyuma.

Mu 1994, ku musozi wa Nzaratsi ngo abatutsi bari bahahungiye bagerageje kwirwanaho, gusa imbaraga zibabana nke, nibwo interahamwe zahigaruriraga maze n’abandi batutsi bakurwaga mu bindi bice akaba ariho bicirwa.

Iragena yagize ati:“Twacishijwe mu nzira y’umusaraba, abatutsi bazamurwaga kuri uyu musozi, interahamwe ndetse n’abasirikare badukubita ngo tugere ku musozi hejuru twananiwe tutakibashije kwirwanaho, ubundi uwageraga hejuru wese yaricwaga, abicanyi bagendaga banazana n’abandi batutsi bakuye ahandi bakaza kubicira kuri iyi Kaluvariyo ngo kuko ari hejuru batazabanukira.”

Nyuma y’imyaka 22 ishize Abatutsi bakorewe Jenoside, abayirokotse bifuza ko uyu musozi washyirwaho urwibutso rw’amateka, n’abandi banyarwanda bakayamenya.

Nubwo ariko baciye mu bibazo bikomeye by’ayo mateka, abarokokeye muri ako gace, bavuga ko nyuma y’imyaka 22 ishize Jenoside yakorewe abatutsi ibaye, ngo babashije kwiyubaka biteza imbere, kandi ngo n’urugendo rw’ubumwe n’ubwiyunge bishimira intambwe bamaze gutera.

Abarokotse Jenoside bo muri aka gace banemeza ko kimwe mu byabateye kugarura icyizere cy’ubuzima, ari uko ngo Nyakubahwa Perezida wa Repubulika Paul Kagame adahwema kubabera ikitegererezo ndetse no kubaha icyizere cy’ejo hazaza.

Batanga urugero rw’ijambo yahavugiye mu mwaka wa 1995, ubwo yari yagiye kwifatanya n’abaturage b’aha gushyingura imibiri y’abatutsi baguye kuri uyu musozi wa Nzaratsi, aho ko amateka mabi yaranze u Rwanda yababera isomo mu rugendo rwo kwigira no Kwiteza imbere, ndetse n’ubumwe n’ubwiyunge.

Umusozi wa Nzaratsi ukaba ukikije n’indi misozi irimo uwa Kizibere, Mayunzwe, Gisanga na Giticyumwe.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.