Advertisement
 
 
 
 
 
 
 
 

Amakuru | Mu Ntara | Intara

Bamwe mu bapfakazi ba Jenoside banyagirirwa mu nzu   

  Yanditswe na BAHUWIYONGERA SYLVESTRE
 April 2016

 
 

Bamwe mu bapfakazi ba Jenoside yakorewe Abatutsi bo mu karere ka Rusizi, bavuga ko babangamiwe cyane n’ikibazo cy’inzu zashaje cyane, ku buryo iyo imvura iguye baryamye basabwa kubyuka ngo itabanyagirira mu buriri, bitaba ibyo ikabanyagira ikabanoza.

Aba baturage bavuga ko inzu babamo bazubakiwe mu 1996, ariko ngo zamaze gusaza ku buryo bukabije, kuko zubatswe hutihuti.

Mukamurara Judith, utuye mu mudugudu wa Kabuye, Akagari ka Pera, akaba anahagarariye AVEGA mu murenge wa Bugarama, yagize ati “Amazu yacu arenze gusaza bisanzwe kandi ni menshi, amabati yaratobaguritse yarashize, iyo imvura iguye ari nyinshi usanga duteze udusahane kugira ngo ikiziba ntikidendeze aho turyamye.

JPEG - 396.4 kb
Mukamurara Judith(uwa 3 uturutse i buryo) avuga ko amazu babamo ava cyane

Ni impamo birarenze rwose, dutega udusahane ngo amazi atatugwaho, kuko aya mazu yubatswe mu 1996 ntaho agifite ashingiye.”

Avuga ko na we inzu ye yari yubatse aho bita ku Kibangira, ari ibiti bitanashinze neza, aza gukuraho amabati ayajyana hafi ya kaburimbo aho atuye ubu, ashyiraho udutafari, arubaka ariko ubu ngo imvura imumereye nabi, kandi ngo hari bagenzi be bafite ikibazo kirenze icye.

Ati “Sinkubeshya rwose, iyo ndi mu nzu ndeba hejuru nkareba mu kirere aho mbasha kugeza amaso kandi nitwa ngo ndi mu nzu, ikibazo ubuyobozi bw’umurenge n’akarere burakizi, kuko nta nama tutakivugamo.
Turacyahanze amaso ubuyobozi kandi tuzi ko bwadukoreye byinshi, iby’amazu si byo buzananirwa, nubwo kwihangana bigenda bitugora kubera aho turara n’uko turara.”

Umuyobozi w’aka karere Harelimana Frédéric, avuga ko aba bafite inzu zihangayikishije cyane ikibazo cyabo kigiye kwihutishwa, nubwo n’abandi bazubakirwa vuba.

Yagize ati “Ku bijyanye n’imiturire, abatuye mu mazu adashobotse natwe nk’ubuyobozi bw’akarere tubifite muri gahunda ko uyu mwaka iki kibazo tugiye kucyitaho kandi kigakemuka, ariko hari abo tubona byihutirwa cyane. Abo byihutirwa cyane rwose mwumve ko tubatekereza kandi tugiye gushaka uburyo ikibazo gikemuka byihuse.”

Nubwo uyu muyobozi yirinze guhita avuga umubare w’inzu bagiye guhita bubaka, abafite ikibazo cy’inzu bose bemeza ko bagaruye icyizere.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.