Advertisement
 
 
 
 
 
 
 
 

Amakuru | Mu Ntara | Intara

Bamporiki yabwiye abaturage bakirarana n’amatungo ko bashobora kuzaba nkayo   

  Yanditswe na Manishimwe Noël
 2 months ago

 
 

Depite Bamporiki Edouard yasabye abaturage bo mu karere ka Ngoma bakirarana n’amatungo mu nzu kubicikaho, kuko ngo bishobora gutuma abakiri bato bakura bafite imyitwarire nk’iy’amatungo kandi ari abantu.

Ku wa 15 Nzeli 2016, ba depite Gahondogo Athanasie na Bamporiki Edouard baganiriye n’abaturage mu murenge wa Kibungo, akagari ka Gahima mu karere ka Ngoma, bumva ibibazo n’ibitekerezeo byabo, banafatanyiriza hamwe kubishakira ibisubizo.

Mu kiganiro ku isuku n’imirire myiza cyatanzwe na Depite Bamporiki, yavuze ko Ubuyobozi bw’akarere ka Ngoma bwamugaragarije ko muri aka karere hakigaragara imiryango imwe ikiraza amatungo mu nzu n’abantu bararamo.

Yavuze ko bibabaje kandi bigira ingaruka ku buzima bw’abantu, zirimo no kuba urarana n’itungo ashobora gutakaza ubumuntu, agafata imico n’imitekereze nk’iyaryo.

Yagize ati “Umuyobozi w’akarere yambwiye ko hari abararana n’amatungo ngo bitari cyane, ariko nabyo mbabwize ukuri, kurarana n’amatungo ntabwo ari ukwihesha agaciro, buriya uko abantu bagenda bimenyereza amatungo, birangira bakundanye nayo kurusha gukundana n’abantu.”



Depite Bamporiki yabwiye abatuye Kibungo ko umwana wakuze ararana n’amatungo, afata yigana imyitwarire yayo

Ati “Uwo mwana uraranisha n’ihene ashobora no kuzatekereza nk’ihene, agakora nkayo… hari umuntu wigeze gukora ubushakashatsi afata ihene n’umwana abishyira hamwe, umwana ageze igihe cyo kuvuga; aho kuvuga arahebeba,…niko bigenda”

Bamporiki yasabye abaturage gucika ku ngeso yo kurarana n’amatungo niba bashaka ko igihugu cy’u Rwanda kigira ejo hazaza heza, u Rwanda rukagira abantu bafite ibitekerezo bizima byakubaka igihigu kigatera imbere.

Ati “Mureke duhinduke, duhindure ibintu, Umuntu ushaka ushaka kuzabyara umwana uzamuhesha agaciro ntiyongere kuraza ihene mu nzu, niba ushaka ko abana bawe bazaba bafite agaciro nk’ak’ihene mu myaka 20 ubareke bararane nazo, ababatandukanyije nazo, bazajya baza bayobore abawe bafite imitekerereze nk’iy’amatungo.”

Nyuma y’iki kiganiro abaturage bagaragaje ko kibasigiye isomo rikomeye; gusa hirya no hino mu karere ka Ngoma abaturage bagiye batangariza Imvaho Nshya ko bazi ko kurarana n’amatungo bigira ingaruka zirimo n’uburwayi, nyamara bakagaragaza kenshi ko baraza amatungo mu nzu, mu rwego rwo kuyahungisha abajura.

JPEG - 127 kb
Depite Gahondogo Athanasie, Bamporiki n’ubuyobozi bw’akarere ka Ngoma bakira ibibazo n’ibitekerezo by’abaturage

Mbonigaba Jean Bosco avuga ko nubwo bararana n’amatungo nabo ngo usanga babangamiwe.

Yagize ati “Hari ubujura budasanzwe muri ibi bihe, ni ikintu kitubangamiye cyane natwe kuba turarana n’amatungo mu nzu, abaturage batinya ko abajura barara bayatwaye.”

Mparibatenda Faustin na we yagize ati “Ni ikibazo dufite n’icy’uko turarana n’amatungo mu nzu, imbaragasa zikatumerera nabi, umunuko mu nzu; bitewe nuko dufite abajura bateye ubwoba, baracukura amazu, bakaza mu nzu”

JPEG - 133 kb
Bamporiki asobanurira abatuye i Kibungo ububi bwo kurarana n’amatungo

Abaturage bataka kwibwa amatungo kenshi bumvikana mu mirenge ya Remera, Kazo, na Kibungo, gusa mu bihe bitandukanye ubuyobozi bukunze kugaragaza ko hashyizweho ingamba zo gucunga umutekano no gukumira ubujura.

Depite Bamporiki Eduard yasabye abatuye akarere ka Ngoma gutekereza uburyo bwose bazaraga abana babo ibyiza birimo: isuku, kwiga neza n’ubuzima bwiza, kabone nubwo byaba bibasaba kugira ibyo bigomwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.