Advertisement
 
 
 
 
 
 
 
 

Amakuru | Mu Ntara | Intara

Bamaze imyaka 5 bishyuza amafaranga bakoreye bubaka amashuri   

  Yanditswe na DUSINGIZUMUREMYI VESTINE
 September 2016

 
 

Bamwe mu baturage bo mu karere ka Karongi bubatse ibyumba by’amashuri y’uburezi bw’ibanze bw’imyaka 9 na 12, icumbi rya mwarimu n’ubwiheroro, bamaze imyaka itanu bishyuza amafaranga bakoreye, magingo aya bakaba batarayahabwa.

Aba baturage bavuga ko kuba batarishyurwa byabagizeho ingaruka, haba kuba batarishyura ubwisungane mu kwivuza, kuba bateza ibyabo kugira ngo bishyure aho bikopesheje no kuba byarabateye ubukene muri rusange.

Mu mwaka wa 2012, Musabyimana Emmanuel yari Gapita w’abubakaga ibyumba by’amashuri ku kigo cya E.S Ruganda.

JPEG - 413.2 kb
Aha abaturage babazaga impamvu bubatse ibyumba by’amashuri ntibishyurwe (Foto D. Vestine)

Uyu mugabo atuye mu mudugudu wa Nyagisozi, akagari ka Tongati mu murenge wa Gashali, avuga ko abubatse kuri E.S.Ruganda bafitiwe umwenda w’amafaranga asaga miliyoni (1,650,000), ariko ngo barayategereje amaso yaheze mu kirere.

Aganira n’Imvaho Nshya, yagize ati “Akarere n’umurenge nibo bagombaga kubakisha ayo mashuri, turubaka nkanjye natangiye twubaka ES.Ruganda mu mwaka wa 2012 tugeza mu mwaka wa 2014 bandimo ibihumbi 256.

Yaduteje ubukene aho twafataga ibyo kurya ngo tuzishyura ubu bari guteza ibyacu ngo tubishyure, ntabwo twatanze mituweli, mbese twahuye n’ubukene”.

Munyampundu JMV, umwe mu bubatse ubwiherero bw’amashuri ya Shoba Muramba, Musongati, mu murenge wa Gashali, avuga ko nawe yategereje amafaranga yakoreye akayabura, akaba abayeho nabi.

Ati “Mu mwaka wa 2011nubatse ubwiherero i Musongati ntibanyishura amafaranga ibihumbi 37500, nubaka ku mashuri Shoba Muramba ntibanyishyura ibihumbi 25, ubu tubayeho nabi inzara ni yose, nta bwisungane, twifuza ko batwishyura.”

Umunyamabanga Nshingwabikorwa w’akarere ka Karongi Muhire Emmanuel, avuga ko bitarenze iminsi 15 iyi nkuru ikozwe, amafaranga araba yabagezeho.

Ati “Ni Miliyoni 32 zose tugomba kwishyura abaturage, ntabwo yari ahari hagombaga kubanza kumenya imyenda ihari na ba nyirayo ko bifite ishingiro.

Impamvu yatumye habaho imyenda twoherezaga amafaranga mu mirenge nabo bagafata imyenda, gusa abaturage nibihangane bitarenze iminsi 15 araba yageze kuri konte y’akarere natwe tuyabahe.”

Aba baturage bubatse ibyumba by’amashuri, ubwiherero, icyumba cya mwarimu mu myaka itandukanye.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.