Advertisement
 
 
 
 
 
 
 
 

Amakuru | Mu Ntara | Intara

Bafungiye kunyereza miliyoni 58 za koperative y’abajyanama b’ubuzima   

  Yanditswe na BAHUWIYONGERA Sylvestre
 3 weeks ago

 
 

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi.

Abafunze barimo umuyobozi n’umucungamutungo w’iyo koperative n’abandi bane bayoboraga imishinga y’iterambere iyishamikiyeho.

Umunyamabanga nshingwabikorwa w’uyu murenge Sindayiheba Aphrodis yabwiye imvaho nshya ko ayo mafaranga arimo inkunga nyakubahwa perezida wa Repubulika ajya atera amakoperative y’abajyanama b’ubuzima kugira ngo barusheho kwiteza imbere, hakaba n’andi bakura mu mishinga inyuranye y’iterambere ibatera inkunga.

JPEG - 73.9 kb
Ubuyobozi bw’umurenge wa Bweyeye bwakoze igenzura busanga amafaraga ya koperative yaranyerejwe

Abanyamuryango b’iyo koperative bari bafite kuri konti miliyoni 58 bajya gushiduka nta na miliyoni imwe isigayeho.

Yagize ati “ Muri ayo mafaranga hari ayo aba bajyanama b’ubuzima 59 bagize iyi koperative bashatse kuguramo imodoka yo mu bwoko bwa Fuso ngo ikure mu bwigunge uyu murenge, ibahahire ikora imirimo yunguka inageza iby’ibanze abaturage b’uyu murenge bakenera,aho kuyigura bigurira iya taxi Mini-bisi yo mu bwoko bwa Hiace, babwira abanyamuryango ko bayiguze arenga miliyoni 17 mu gihe zitagombye kurenga miliyoni 12.”

Yakomeje ati “iyo modoka yatangiye gukora mu muhanda Kamembe-Nyamagabe rimwe na rimwe igataha Bweyeye,bakavuga ko ikora ihomba ntibagaragze ayinjiye, ya mishinga na yo batangira guhuza amafaranga yayo babwira abanyamuryango ko ari bwo bazunguka neza, abanyamuryango batazi n’ayo bari bafite,bashiduka babwirwa ko yose yahombye batazi uko yakoreshejwe.’’

Gitifu avuga ko inzego zinyuranye zabimenye zigatangira kubikoraho igenzura zigasanga amafaranga yaranyerejwe, bagatabwa muri yombi mu gihe iperereza rigikomeje.

Avuga ko iyi koperative yari ifite imishinga myinshi irimo inzu yogosha, icyuma gisya imyumbati, n’indi, yose amafaranga yayo akaba atagaragara.

Avuga ko mu gihe aya mafaranga agikurikiranwa abanyamuryango bahawe ubutumwa bw’ihumure , babwirwa ko amafaranga yabo azakurikiranwa akagaruzwa, abo bizahama ko bayanyereje bakazabiryozwa.

Perezida wa koperative witwa Viateur uri mu batawe muri yombi asanzwe ari n’umukuru w’umudugudu wa Bunyagiro, akagari ka Kiyabo muri uyu murenge.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.