Advertisement
 
 
 
 
 
 
 
 

Amakuru | Mu Ntara | Intara

AS Muhanga igiye guhemba abakinnyi yari ifitiye ibirarane by’amezi ane   

  Yanditswe na BIZIMANA ERIC
 April 2016

 
 

Ubuyobozi bw’Akarere ka Muhanga bunareberera ikipe ya AS Muhanga bugiye gutanga amafaranga yo kwishyura ibirarane by’imishahara y’amezi ane y’abakinnyi b’iyi kipe.

Aya magambo yatangajwe na Kayiranga Innocent, umuyobozi wungirije w’akarere ka Muhanga ushinzwe ubukungu n’iterambere. Ni nyuma y’uko aba bakinnyi bari bigaragambije bahagarika imyitozo mu gihe cy’icyumweru bavuga ko batakomeza imyitozo batarahabwa imishahara yabo.

Ku wa Mbere taliki 04 Mata 2016 ni bwo ubuyobozi bw’akarere bwasabye aba bakinnyi gusubukura imyitozo, bubizeza ko bitarenze iki cyumweru bazaba babonye amafaranga yabo.

JPEG - 65.9 kb
Rutayisire Edward, umutoza wa AS Muhanga wasabye abakinnyi kwihangana bagatereza umushahara

Kayiranga Innocent yagize ati "Ntabwo twifuza ko bamara icyumweru badakora imyitozo. Mu byo bari bakeneye hari ubushobozi twabahaye nk’akarere ku buryo bishobora gukemura bimwe mu bibazo byabo".

Nyuma y’imyitozo yo ku wa Kabiri taliki 05 Mata 2016, Rutayisire Edouard, umutoza wa AS Muhanga yabwiye Imvaho Nshya ko yagerageje kumvisha abakinnyi ko bagomba kwizera ijambo ry’ubuyobozi bw’akarere bakemera kugaruka mu myitozo bategereje ko bahembwa.

Rutayisire yanasobanuye ko yagerageje no kubyumvisha abakinnyi bashya baje muri iyi kipe barimo Bokota Kamana Labama na Hategekimana Aphrodice Gangi.

Uyu mutoza yanemeje ko n’ubwo hari ibibazo by’amikoro muri iyi kipe, AS Muhanga yamaze kugura abandi bakinnyi bashya barimo Nizeyimana Alphonse Ndanda, wari umunyezamu wa Mukura na Ndikumasabo Ibrahim.

Iyi kipe kandi ikomeje kwitegura inama y’inteko rusange yari kuba ku cyumweru taliki 03 Mata 2016 iza kwimurwa kuberau bwitabire buke bwaturutse ku mvura yaguye kuri uwo munsi.

Iyi nama ni yo izashyiraho ubuyobozi bushya bw’iyi kipe buzaba bufite inshingano zo gufasha iyi kipe kuva ku mwanya wa nyuma muri shampiyona, gushaka abaterankunga no kugarura umubano n’abakunzi b’iyi kipe basaga n’abatakiyumvamo. AS Muhanga ni iya nyuma n’amanota 4 kuri 15.

 

Comments

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.